У Менску з’явіліся стыльныя плакаты «Гісторыя Беларусі»

  • 26.07.2017
  • Аўтар: 34mag
  • 2

 

Аляксей Чаранкевіч такі рэалізаваў сваю ідэю – плакат «Гісторыя Беларусі», што арганічна трансфармаваўся з папярэдняга праекта «Мапа станаўлення Беларусі». Гісторыю Беларусі ў тубусе можна набыць усяго за 29 рублёў. Не сорамна і сябрам падарыць!

 

Плакат «Гісторыя Беларусі» – гэта працяг праекта «Мапа станаўлення Беларусі», толькі ў афлайне. На адзінай лініі часу паказаныя беларускія гарады і самыя істотныя падзеі дзяржаў, якія існавалі на тэрыторыі сучаснай Беларусі.

Плакат надрукаваны афсетным спосабам на якаснай паперы фармату А1 – 594 × 841 мм і прадаецца ў тубусе.

 

  

Аўтар праекта Аляксей Чаранкевіч – пра працэс стварэння плаката:

«Ідэя плаката была даўно. Але яна перарасла ў сайт. І вось толькі цяпер дайшлі рукі ўсё-такі закрыць гештальт і зрабіць плакат. Плакат вярстаўся дзесьці паўгода, не спяшаючыся, у вольны час. Насамрэч палова часу пайшла не столькі на плакат, колькі на сумежныя справы: сайт праекта, тэксты, фота, друк і тубусы».

Папярэдні праект – «Мапа станаўлення Беларусі» – выйшаў у студзені 2016. Гэта выглядае так: стужка асноўных падзей у гісторыі Беларусі. Акрамя таймлайну, можна ўбачыць, як змяняюцца межы краін, якія існавалі на тэрыторыі сучаснай Беларусі. Праект атрымаў 3 першыя месцы і 2 гран-пры на сёмым фестывалі «Аднак» у 2016 годзе.

 

 

Набыць плакат можна ў краме LSTR у ГЦ «Маскоўска-Венскі» (пр-т Незалежнасцi, 58, павільён 317 на трэцім паверсе). Крама працуе з 11:00 да 19:00 штодня без выходных.

 

29–30 ліпеня плакат можна будзе набыць на FSP.

Кошт плаката – 29 рублёў. Магчымая дастаўка поштай па Менску і Беларусі.

 

 

 


КАМЕНТАРЫ (2)

димка
димка | 2017-07-28 15:47:02

очень крутая работа. сайт люблю, знакомым кидаю ссылки, автор молодец.
но 29 р. это же блн дорого по меркам бел зарплат. так хотелось чтобы карта пошла массово в народ

coreme
coreme | 2017-08-01 13:49:59

если бы патриотизм не приносил выгоды,
патриотами были бы только совсем отчаянные люди

КАМЕНТАВАЦЬ