Рандом: трымай свой дыплом!

Хутка-хутка былыя школьнікі панясуць свае дакументы ў ВНУ. Многія з іх выберуць спецыяльнасць па прынцыпе «дзядзька параіў», «у мяне проста матэматыка наогул ніяк» або «што заўгодна, абы побач з айці». Многія з гэтых многіх ніколі не будуць працаваць па спецыяльнасці. Некаторыя нават усвядомяць на кушэтцы псіхатэрапеўта, што трэба было не слухаць маці, а ісці ў цесляры. Але ж краіна ў нас адукаваная. Без «корачкі» ніяк. Прапануем ультыматыўнае рашэнне: цісні на пуск – і атрымай дыплом, які выпісаў табе бажэсцвенны рандом.