Кінафестываль «Паўночнае ззянне»: што глядзець у 2018-м?

Новая вясна – новае «Паўночнае ззянне»! У 2018 годзе фестываль кіно Паўночных краін і краін Балтыі пройдзе з 19 па 26 красавіка. У праграме – кінапаказы на мове арыгіналу з рускімі і беларускімі субцітрамі, майстар-класы, дыскусіі. Поўную праграму знойдзеш на сайце фестывалю, а тут лаві нашу падборачку мерапрыемстваў.

 

 КІНО 

 

Жахлівая жанчына / A Horrible Woman / En frygtelig kvinde

(Фарэрскія астравы, Данія)

 

 

Рэжысёр: Крысцiян Тафдруп

Калі і дзе: 19 красавіка, 21:10, кінатэатр «Мір»

Набыць квіток

Гісторыя пра Расмуса і Мары: спачатку ён лічыць яе каханнем усяго свайго жыцця, але з часам пачынае заўважаць яе маніпулятарскія схільнасці. Мары перабудоўвае жыццё Расмуса пад сябе, захоплівае яго прастору, прымушае мяняць звычкі, распрадае яго асабістую маёмасць. Фільм паказаны з мужчынскага пункту гледжання.

 

 

Ззянне Паўночнага Дыска / Northern Disco Lights

(Нарвегія)

 

 

Рэжысёр: Бэн Дэвіс

Калі і дзе: 20 красавіка, 21:30, кінатэатр «Мір»

Набыць квіток

Дакументальны фільм пра музыкаў-падлеткаў з нарвежскага горада Тромсё. Каб не засумаваць на поўначы краіны, у якой нават катацца на скейтбордзе было забаронена да канца 80-х, хлопцы сталі праводзіць вечарынкі, пісаць танцавальную музыку, стварылі радыёстанцыю – карацей, ажывілі культурнае жыццё Нарвегіі.

 

 

Том з Фінляндыі / Tom of Finland

(Фінляндыя)

 

 

Рэжысёр: Доме Карукоскі

Калі і дзе: 21 красавіка, 21:00, кінатэатр «Мір»

Набыць квіток

Біяграфічная драма пра жыццё і творчасць фінскага мастака-гея Тоўкі Валіа Лааксанэна. Час дзеяння – канец Другой сусветнай вайны. Фільм паказвае шлях станаўлення даволі знакамітага мастака і тое, як яму прыйшлося вырашаць праблемы з непаразуменнем фінскага грамадства.

 

 

Савецкія хіпі / Soviet Hippies

(Эстонія)

 

 

Рэжысёр: Тэр’е Тоомісту

Калі і дзе: 22 красавіка, 22:00, кінатэатр «Мір»

Набыць квіток

Дакументальны фільм пра хіпі, якім давялося жыць у СССР. «Ад нас хацелі пазбавіцца, каб такога іншароднага элемента не існавала ў краіне», – кажа адзін з герояў. Кіно пра тых, хто можа стварыць свой псіхадэлічны андэграўндны свет пры любых умовах.

 

 

Старажытны лес / Ancient Woods / Sengire

(Літва)

 

 

Рэжысёр: Міндаўгас Сурвіла

Калі і дзе: 23 красавіка, 19:00, кінатэатр «Мір»

Набыць квіток

Фільм-медытацыя. 85 хвілін назірання за лесам і яго насельнікамі – птушкамі, жывёламі, рыбкамі. Ніякага закадравага голасу – толькі сапраўдныя гукі прыроды. Магчыма, пасля прагляду будзе цяжка выйсці ў гаманлівы горад.

 

 

Венера / Let's talk about sex / Venus

(Данія)

 

 

Рэжысёрка: Метэ Карла Т. Альбрэктсан

Калі і дзе: 24 красавіка, 19:00, кінатэатр «Мір»

Набыць квіток

Даследаванне сэксуальнага жадання з жаночага пункту гледжання, у якім прынялі ўдзел больш за 100 жанчын з Даніі. Рэдкі шанец даведацца пра жаночыя фантазіі, думкі пра сэкс, сорам і задавальненне. Пасля прагляду адбудзецца дыскусія пры ўдзеле прадзюсаркі фільма Кірстын Барфод, заснавальніцы праекта «Гендарны маршрут» Ірыны Саламацінай, дырэктаркі «Паўночнага ззяння» Волі Чайкоўскай, паэткі Волі Гапеевай.

 

 

Дарога / The Road Movie / Дорога

(Латвія)

 

 

Рэжысёр: Дзмітрый Калашнікаў

Калі і дзе: 26 красавіка, 21:20, кінатэатр «Мір»

Набыць квіток

Фільм змантаваны з камер відэарэгістратараў, якія ёсць амаль у кожнай машыне ў Расіі. «Супераб’ектыўнае відэа яскрава перадае рускі нацыянальны характар і каларыт: перманентнае чаканне цуду і прадчуванне жыццёвай драмы», – кажуць стваральнікі.

 

 

 МАЙСТАР-КЛАСЫ 

 

Эрленд Лу: «Наіўна. Супер: Размова з нарвежскім пісьменнікам Эрлендам Лу»

Калі: 18 красавіка, 19:00

Дзе: Event Space (вул. Кастрычніцкая, 16а)

Уваход: вольны

Эрленд Лу – нарвежскі кінакрытык, сцэнарыст і пісьменнік, больш за ўсё вядомы праз сваю кнігу «Наіўна. Супер». На сустрэчы ён раскажа пра свой вопыт працы над дзіцячай літаратурай і кінасцэнарыямі, а таксама пра наiўны стыль пісьма ў літаратуры для дарослых.

Каця Вік: «Як праца з Рубэнам Эстлундам і Роем Андэрсанам натхняе на здымкі свайго фільма»

Калі: 21 красавіка, 14:00

Дзе: Кiнастудыя «Беларусьфiльм» (пр-т. Незалежнасцi, 98)

Уваход: вольны

Каця Вік – шведская рэжысёрка. Прыязджае ў Менск з лекцыяй пра ўласную рэжысёрскую працу і працу кастыг-дырэктаркай для фільмаў культавых рэжысёраў. Таксама яна пакажа свой дэбютны рэжысёрскі фільм пад назвай «Былая жонка», якi распавядае сатырычную гісторыю чалавечых узаемаадносінаў – ад закаханасці да разводу.

 

Віестурс Каірыш: «Як сумяшчаць працу рэжысёра ў кіно і тэатры»

Калі: 23 красавіка, 14:00

Дзе: Факультэт экранных мастацтваў Акадэміі мастацтваў (вул. Чычэрына, 1)

Уваход: вольны, па папярэдняй рэгістрацыі

Віестурс Каірыш – латвійскі рэжысёр кіно і тэатра. Правядзе майстар-клас і пакажа свой фільм «Хронікі Мэлані» – гэта гісторыяй кахання, гуманнасці і цуду выжывання ва ўмовах жорсткай дэпартацыі латвійскага насельніцтва ў Сібір у савецкія часы.

Прыiт Пяясуке: «Як сабраць грошы на поўнаметражны індзі-фільм на краўдфандынгу і перажыць адмову ад Арвы Пярта»

Калі: 24 красавіка, 14:00

Дзе: Факультэт экранных мастацтваў Акадэміі мастацтваў (вул. Чычэрына, 1)

Уваход: вольны, па папярэдняй рэгістрацыі

Прыiт Пяясуке – эстонскі рэжысёр (а Арва Пярт – эстонскі кампазітар класічнай музыкі). У Менску Прыіт пакажа свой поўнаметражны гульнявы фільм «Канец ланцужка», які меў сусветную прэм’еру на кінафестывалі ў Карлавых Варах у конкурсе East of The West.

 

Поўную праграму фестывалю шукай на сайце «Паўночнага ззяння»

Старонка кінафестывалю ў FB

КАМЕНТАРЫ (0)

КАМЕНТАВАЦЬ