Дзе зладзіць сваё мерапрыемства? Частка 2: Берасце, Горадня, Гомель
- 13.02.2020
- 4539
Ёсць ідэя арганізаваць канцэрт, выставу ці правесці семінар у рэгіянальных цэнтрах і абласных гарадах, але не ведаеш дзе? На гэты выпадак мы падрыхтавалі актуальную падборку несталічных пляцовак і прастораў для правядзення мерапрыемстваў на любы фармат ды бюджэт.
Берасце
Новае месца ў цэнтры Берасця, якое сумяшчае ў сабе каворкінг, антыкафэ і крэатыўную прастору з магчымасцямі краўдфандынгу. У «Грунтоўні» ты можаш адкрыць збор сродкаў на правядзенне свайго мерапрыемства або заданаціць на ўпадабанае, за што табе аддзячаць кубкам кавы. Для дабрачынных і сацыяльных мерапрыемстваў прадугледжана зніжка на арэнду, што асабліва прыемна. Адміністрацыя абяцае дапамогу з падрыхтоўкай, але папярэджвае, што адказнасць за якасць і паспяховасць мерапрыемства цалкам кладзецца на плечы арганізатараў.
Умяшчальнасць: памяшканне разлічанае на 100 чалавек.
Абсталяванне: у тваім распараджэнні праектар, гукавая апаратура (2 мікрафона, мікшар на 6 каналаў), 20 пуфікаў і 60 сядзячых месцаў на крэслах або лавах, wi-fi, а таксама ўсё неабходнае для чайных паўзаў.
Лакацыя: пл. Свабоды, 18/1.
Кантакты: +375 29 227 52 12.
«Дзедзіч»
Прастора, створаная арганізацыяй «Дзедзіч», уяўляе сабой палову прыватнага дома ў цэнтры Берасця. Асноўныя напрамкі дзейнасці арганізацыі – папулярызацыя беларускай мовы і культуры, таму культурныя і адукацыйныя мерапрыемствы асабліва вітаюцца. У будынку ёсць кухня для кава-паўзы і прахадное памяшканне для адпачынку. А ў цёплы час года як пляцоўку можна задзейнічаць і ўнутраны дворык.
Умяшчальнасць: 25-30 чалавек.
Абсталяванне: праектар, фліпчарт, экран, гукаўзмацняльнае абсталяванне.
Лакацыя: вул. Маякоўскага, 46.
Кантакты: + 375 29 724 21 16.
Сучасная прастора з канцэпцыяй business & lifestyle на ўскрайку горада з акцэнтам на правядзенне дзелавых мерапрыемстваў. У «Клубе 11:11» прапануюць адразу некалькі памяшканняў, якія дазволяць арганізаваць і паэтычны вечар, і бізнэс-канферэнцыю. У будынку таксама ёсць кавярня з годным меню і менскім цэннікам.
Умяшчальнасць: залежыць ад абранага тыпу прасторы:
● у залах Lobby і Loft – да 70 чалавек;
● канферэнц-зала – да 100 чалавек;
● бібліятэка – да 6 чалавек;
● зала для перамоў – да 12 чалавек.
Абсталяванне: удакладняй у адміністрацыі.
Лакацыя: вул. л-та Рабцава, 124.
Кантакты: +375 44 719 11 11.
Пляцоўка, створаная па ініцыятыве аднайменнай каманды альтэрнатыўнага тэатра, якая адкрыла свае дзверы ў 2014 годзе. Прыярытэтны напрамак мерапрыемстваў – сучаснае мастацтва, тэатр, нефармальная адукацыя. «Прастора КХ» – гэта творчая прастора без устаноўленых рамак, дзе ўсе віды мастацтва гарманічна ўзаемадзейнічаюць і дапаўняюць адно аднаго.
Умяшчальнасць: памяшканне разлічанае на 70 чалавек; ёсць асобны пакой для кава-паўзы.
Абсталяванне: пляцоўка абсталяваная праектарам, трыма раскладным сталамі, двума бойлерамі, кубкамі, калонкамі і ўзмацняльнікам, маюцца кілімкі для ёгі. Ёсць магчымасць раскласці дывановае пакрыццё для мерапрыемстваў з фізічнай актыўнасцю. У «Крылах халопа» прытрымліваюцца канцэпцыі eco-friendly: смецце сартуюць асобна, не выкарыстоўваюць аднаразовы посуд.
Лакацыя: вул. Халтурына, 2/1.
Кантакты: + 375 29 823 19 16; prastorakx@gmail.com.
«Калiдор»
Прастора, якая адкрылася ў канцы 2019 года пры падтрымцы краўдфандынгу. 50 квадратных метраў цалкам бясплатна дадуць у распараджэнне творчым і амбіцыйным людзям, якія робяць сваё і навакольнае жыццё лепш. Дарэчы, сродкі на развіццё праекта ўсё яшчэ збіраюць – засталося дакупіць праектар і крэслы, так што ў цябе ёсць магчымасць падтрымаць такую высакародную ідэю.
Умяшчальнасць: да 25-30 чалавек у вялікай зале ў фармаце трэнінгу або лекцыі.
Абсталяванне: у памяшканні ёсць крэслы і сталы (для варкшопаў або майстар-класаў), зона для кава-брэйку з чайнікам і столікам.
Лакацыя: вул. Астроўскага, 12.
Кантакты: забраніраваць дату для правядзення мерапрыемства можна на сайце.
«Консерва»
Вычарпальна апісаць функцыянальнасць новай гарадской прасторы ў цэнтры Берасця можна цытатай з інтэрв'ю з яго заснавальніцай Кацярынай Паўловіч: «Тут можна праводзіць усё што заўгодна: стрыт-фуд-фэсты, выставы, паказ мод. Мы не толькі пра мастацтва, мы пра ўрбанізм, пра развіццё, пра архітэктуру, пра варушняк. У нас няма межаў: сёння гэта фатаграфіі, заўтра – архітэктурны фестываль».
Умяшчальнасць: 100-300 чалавек у залежнасці ад фармату мерапрыемства.
Абсталяванне: ёсць гукавое і праекцыйнае абсталяванне, некалькі памераў экрана пад праектар. Калі трэба – дадуць імправізаваную барную стойку.
Лакацыя: вул. Куйбышава, 33.
Кантакты: заяўкі для супрацоўніцтва адпраўляй на conserva.district@gmail.com і ў Instagram.
Гомельская вобласць
Гомель
«КОВЧЕГ»
Мультыфункцыянальная арт-прастора, якая падыдзе для правядзення мерапрыемстваў любога фармату: ад прэзентацыі да начной вечарынкі.
Умяшчальнасць: памяшканне разлічанае на 50 чалавек, ёсць дзіцячы пакой.
Абсталяванне: сталы, крэслы, сцэна, экран, праектар, мікрафоны і калонкі, wi-fi, бойлер і кулер. За дадатковую плату могуць дапамагчы з арганізацыяй кава-паўзы.
Лакацыя: вул. Галавацкага, 19.
Кантакты: + 375 44 550 55 38.
Пляцоўка ў стылі лофт, якая можа быць задзейнічаная для правядзення майстар-класа, семінара або невялікага канцэрта.
Умяшчальнасць: 30-40 чалавек, пры жаданні можна больш, але будзе зацесна.
Абсталяванне: можна разлічваць на 2 правадныя мікрафоны і 2 стойкі для іх. Арэнда дадатковай апаратуры па запыце. Маецца кухня, абсталяваная кулерам, чайнікам, посудам.
Лакацыя: вул. Зладзейскага, 59 (3 паверх).
Кантакты: + 375 44 539 78 07.
Крэатыўная пляцоўка ў Гомелі, якая адкрылася ў канцы 2019 года дзякуючы краўдфандынгу. «Зялёны дом» – гэта прастора-трансформер, здольная падбудавацца пад любы фармат мерапрыемства: тэатральнае прадстаўленне, выставу, кінапрагляд, навучальны майстар-клас, канферэнцыю або фотаздымку.
Умяшчальнасць: канферэнц-зала – да 100 чалавек; фотастудыя (падыходзіць для правядзення невялікіх мерапрыемстваў) – да 30 чалавек.
Абсталяванне: мікрафоны, праектар, экран, гукаўзмацняльная апаратура.
Адрас: вул. Барыкіна, 155, 2 паверх.
Кантакты: + 375 29 696 42 13.
«Чаша Мира» – кавалаторый і салон, адкрытыя камандай аднадумцаў, якія хутка сталі важнай часткай культурнага жыцця горада. Пляцоўка выдатна падыдзе для правядзення перформансаў, мастацкіх і фотавыстаў, невялікіх канцэртаў, тэатральных паказаў, лекцый, паэтычных вечароў і кінапаказаў. Летась рабяты апгрэйдзілі свой вагончык-кавалаторый – і цяпер ён выглядае як легендарная жоўтая субмарына The Beatles, у якой частуюць вегетарыянскай ежай і смачнай кавай.
Умяшчальнасць: 30 чалавек у зале для мерапрыемстваў, таксама ёсць яшчэ 2 залы.
Абсталяванне: гукавое абсталяванне, два маніторы, пульт на пяць каналаў, светлавое абсталяванне, мікрафоны, піяніна.
Адрас: вул. Савецкая, 1.
Кантакты: + 375 29 385 10 25.
Мазыр
Першая і пакуль адзіная ўстанова Мазыра ў фармаце антыкафэ. Пляцоўка разлічаная на правядзенне майстар-класаў, трэнінгаў, семінараў, лекцый, канцэртаў-кватэрнікаў і творчых вечароў. Май на ўвазе, што алкаголь, курэнне і ненарматыўная лексіка ў антыкафэ не вітаюцца.
Умяшчальнасць: да 50 чалавек.
Абсталяванне: мяккія канапы, крэслы і сталы, вялікі тэлевізар, калонкі і ўсё неабходнае для кава-брэйку. Па запыце дапамогуць з арэндай праектара за дадатковую плату.
Лакацыя: вул. Катлаўца, 37А.
Кантакты: + 375 29 837 99 71.
Культурная прастора ў Мазыры, размешчаная на маляўнічай тэрыторыі былога кляштара цыстэрцыянцаў XVIII стагоддзя. «Даліна Анёлаў» пра грамадзянскую ініцыятыву, абмен вопытам і ведамі, дух творчасці і актывізм. Калі ідэя твайго мерапрыемства сугучная з канцэпцыяй прасторы, то ў цябе ёсць усе шанцы разлічваць на бясплатнае прадастаўленне пляцоўкі.
Умяшчальнасць: свабодна размесціцца да 100 чалавек.
Абсталяванне: праектар і гукаўзмацняльная апаратура.
Лакацыя: вул. Гогаля, 61.
Кантакты: dalina.mozyr@gmail.com; +375 29 532 31 32.
Платформа па развіцці нефармальнай адукацыі і праектаў у сферы культуры ў Мазыры, якая стала фіналісткай «Social Weekend'13». «Першы крок» рэгулярна праводзіць адкрытыя лекцыі і інтэрактыўныя мерапрыемствы, накіраваныя на самаадукацыю ў сферы сучасных тэхналогій і культуры ў фармаце «навуковага кафэ». Такі фармат дае магчымасць любому ахвотнаму сумясціць прыемнае з карысным: атрымаць новыя веды і пагутарыць з экспертамі за кубкам кавы. Пляцоўка падыходзіць для правядзення адукацыйных семінараў і майстар-класаў, лекцый, выстаў, прэзентацый.
Умяшчальнасць: да 35 чалавек.
Абсталяванне: комбаўзмацняльнік, мікрафон, калонкі, праектар, ноўтбук, фліпчарт; посуд, кавамашына, тэрмапот для кава-брэйкаў.
Адрас: вул. Пралетарская, 49, 1 паверх.
Кантакты: pershykrok1@gmail.com, + 375 33 603 91 08.
Гарадзенская вобласць
Горадня
«Портал»
«Портал» пазіцыянуе сябе як цэнтр адпачынку і развіцця з хатняй атмасферай. Будуць рады прапановам па правядзенні канцэртаў, лекцый, семінараў і гатовыя дапамагчы з арганізацыяй. Можна нават змяніць графік працы прасторы пад канкрэтнае мерапрыемства.
Умяшчальнасць: тры памяшканні, разлічаныя на 15, 25 і 40 чалавек.
Абсталяванне: праектар, фліпчарт, музычны цэнтр, калонкі, усё неабходнае для кава-брэйку.
Лакацыя: вул. Вялікая Траецкая, 31.
Кантакты: + 375 29 780 86 23.
«ДОМ46»
«ДОМ46» – прастора-трансформер, здольная адаптавацца пад любую падзею. «ДОМ46» функцыянуе як танцавальная студыя, таму пляцоўка ідэальна падыдзе для любога мерапрыемства, так ці інакш звязанага з фізічнай актыўнасцю: дзве залы памяшкання абсталяваныя душавымі, распранальнямі і фенамі.
Умяшчальнасць: «Чорная зала» – да 80 чалавек; «Белая зала» – да 50 чалавек.
Абсталяванне: фліпчарт, крэслы, сталы і кандыцыянер. Праектар і акустычную сістэму можна арандаваць за дадатковую плату.
Лакацыя: вул. Лялевеля, 46.
Кантакты: + 375 29 880 53 27; dom46grodno@gmail.com.
Місія «ЦГЖ» – усяляк садзейнічаць таму, каб Горадня стала цэнтрам культурнага, інтэлектуальнага жыцця не толькі Беларусі, але і еўрапейскага рэгіёна. І пляцоўцы гэта сапраўды ўдаецца: тут рэгулярна праходзяць лекцыі, прэзентацыі, дыскусіі ды іншыя адукацыйныя і культурныя мерапрыемствы, якія паспелі сабраць сваю аўдыторыю.
Умяшчальнасць: да 80 сядзячых месцаў.
Абсталяванне: ёсць усё неабходнае абсталяванне для арганізацыі выстаў, прагляду фільма або правядзення канцэрта.
Адрас: вул. Кірава, 3.
Кантакты: +37529 951-05-61.
Ліда
«Чехов»
Каларытны гастра-бар з дэкорам у класічным стылі, які можна арандаваць для правядзення ўласнага мерапрыемства. Адміністрацыя вітае смелыя і наватарскія ідэі, а яшчэ могуць даць пляцоўку і дапамагчы ў рэалізацыі валанцёрскіх і сацыяльна значных праектаў.
Умяшчальнасць: да 170 чалавек.
Абсталяванне: неабходнае для мерапрыемства абсталяванне і апаратуру трэба папярэдне ўзгадніць з адміністрацыяй.
Лакацыя: вул. Грунвальдская, 1-3.
Кантакты: + 375 29 667 75 30.