Алёна Ходар і не/голыя жанчыны ў чырвоным

Мастачка і фатографка Алена Ходар на стылі адзначыла дзень нараджэння: праект «Iнверсія» задумваўся як summary яе пяцігадовай працы з жаночым целам. «Мне спатрэбілася 5 гадоў, каб навучыцца паказваць і даказваць жанчынам, што яны цудоўныя, і 24 гады, каб даказаць сабе, што цудоўная і я», – распавяла аўтарка 34mag напярэдадні выставы.

Раней у верасні Алёна сабрала праз інсту 70 жанчын і сфатаграфавала іх без усялякага адзення. 70 жанчынам спадабалася. Водгукі ад перформансу можна сабраць у тры словы: «па-сястрынску», «магічна», «тэрапеўтычна». Спявачка Руся напісала пра свой досвед так: «Усеагульная галізна збліжае. Калі ў памяшканні так шмат голых людзей, цялеснае размываецца і застаецца нешта большае. Гэта адчуванне неверагоднай расслабленасці, жаночага адзінства, дзе нарэшце можна не напружвацца і быць сабой, спакойнай, без аглядкі атрымаць ацэнку сваёй знешнасці».

У Hide Аленіны мадэлі шукалі сябе на здымках і глядзелі на фоткі з відавочным трапятаннем. Іншыя наведнікі, падаецца, крыху недарэчна адчувалі сябе ў цёплых паліто, зашпіленых на ўсе гузікі.  

Фота by daryabrr