Сёння на «Першаку» прэзентуем другі альбом менскай рок-банды TonqiXod. «Колер, якога няма» – гэта пафас у дазволеных дозах, рок ува ўсіх яго іпастасях і спроба яго дэканструкцыі, сціплая ф'южанутасць з элементамі непрыхаванага таннага цырку. Туліся бліжэй вухам!
TonqiXod пра рэліз:
Відавочна, мы мусілі запісаць гэты альбом хутчэй, а так працэс расцягнуўся больш чым на год. З аднаго боку, можна сябе лаяць, а з другога – мы атрымлівалі нейкую няўлоўную асалоду. Здаецца, што мы зрабіліся смялейшымі з часоў дэбютніка «Прадмова»: прыняцце дзёрзкіх музычных рашэнняў адбывалася хутка і спантанна, мы меней азіраліся на нейкага міфічнага непадрыхтаванага слухача, бо раней, шчыра кажучы, раскладалі там-сям падушкі бяспекі. Цяпер, калі вам чуецца нешта пухнатае і бяспечнае, значыць, нам падалося, што гэтага вымагае сама музыка.
Мы засталіся вернымі сабе і не намагаліся вычысціць міксы да бляску, не выраўноўвалі кожны ўдар, пастараліся пакінуць трохі жывой гразі і паветра (хаця часам спёртага з-за шчыльнасці гучання і колькасці інструментаў). Мы верым у цікаўнага і ўважлівага слухача, таму вы знойдзеце раскіданыя па ўсёй кружэлцы намёкі, невялікія музычныя жарты, зачэпкі для вуха ды адмысловыя шумы.
Па нашых уласных адчуваннях, гэта больш эксперыментальны альбом, аднак, пасля завяршэння працы над фінальнай песняй «Заратуштра», падумалася, што можна было б і паболей газы шухнуць у гэтае альбомнае вогнішча.
Музыка – TonqiXod
Тэксты – У. Лянкевіч
Максім Субач – клавішныя, галасы, раяль, мандаліна
Андрэй Аляксеенка – барабаны
Уладзімір Лянкевіч – галасы, гітары, бас (7)
А таксама:
Віталь Эпаў – фагот (1, 2, 8)
Вольга Бяляева – вакал (4)
Настасся Папова – скрыпка (6)
Фрыд Самотны – саксафон (8)
Віктар Сямашка – флейта (4, 5)
Звядзенне – Канстанцін Пыжоў (1–3, 7, 8) і Павел Сініла (4–6)
Майстарынг – Павел Сініла
Фота – Алесь Кот-Зайцаў
Дызайн – Васіліса Паляніна
2/3 грошай, выдаткаваных на альбом, гурт сабраў з дапамогай краўдфандынгу, за што асобна дзякуе больш 120 спонсарам, якія іх падтрымалі. А таксама Раману Венядзіктаву, Аляксандру Гусаку, спадару С., Вользе Ч., Яўгену Ц., Хрысціне Д. і ўсім запрошаным музыкам і сябрам, якія аздобілі трэкі сваёй прысутнасцю.
TonqiXod у сеціве:
КАМЕНТАРЫ (20)
А ці можна будзе набыць lossless у лічбавым фармаце за купюры на якім-небудзь bandcamp'e?
Вось! Там, дарэчы, ёсць тэксты:)
https://tonqixod.bandcamp.com/
Sasha Evsyuchenya, канешне! Праз некалькі дзён гэта стане магчыма.
Крутой, стильный звук! Ребята, вы молодцы)
Дзякуй!
Я хачу напісаць зашмат прыметнікаў ды дзеяпрыметнікаў, каб выказаць сваё захапленне і велізарную павагу музыкам ды ўсім, хто спрычыніўся да гэтай неверагоднай працы, але мяркую, што атрымаецца не вельмі звязна ці, мо, банальна. Таму абмяжуюся адным: эпахальна.
Ваша творчае развіццё ўражвае, бачыў вас некалькі гадоў таму у Менску, шчыра, ня мог ўявіць, што вы створыце такія рэчы. Вельмі рады, што памыляўся. Стварайце, бо вам дадзена.
Вялікі дзякуй!
Шчыры дзякуй! Будзем старацца працаваць і надалей.
Дык гэта ж сумесь флойдаў з цэпэлінамі на наскім субстраце! Цудоўны, хлопцы, я ў захапленьні!
Там яшчэ недзе Фрэнк Запа схаваўся.
Класны альбом! Але, усё ж такі, у першыя праслухоўванні стабільна засынаў недзе паміж Мінсктрансам і Заратуштрай :)
Асабісты дзякуй за "Лагоднага звера". Найвыдатнейшая песня!
Зашытыя тэксты у песні? Рэспект! :)
Дык во я акурат гэта пад Лагоднага Зьвера й пісаў)
Дзякуй!
«Асьцярожна! Нас зачыняюць!»
:D
Скажыце, ці будзе магчымасць набыць дыск?
Так, абавязкова. Спадзяемся, што праз дзён 10 будзе наклад дыскаў. Мы праінфармуем у нашых сацсетках, так што падпісвайцеся на фэйсбукі і кантакты
Ну нарэшце годны гурт на 34.
Ребята, рок же умер. Давно)
дак эта ж усё сэмплы!
А ещё заебись что перегружается страничка когда постишь камент и музыка перестаёт играть. Хотя тут это даже хорошо.