- ЧЫТАЦЬ ПА-БЕЛАРУСКУBEL
- READ IN ENGLISHENG
Мультылэйбл «Пяршак» прадстаўляе новы паўнафарматны альбом «Если честно» ад гурта «Зьмяя», які скінуў сваю старую хэві-метал-рок-скуру і засяродзіўся на душэўных дзявочых баладах. Пяшчотных, пранізлівых, лютых.
Менавіта так трэба пачынаць восеньскі сезон – з рэфлексій, успамінаў, матывуючых гімнаў і жыццёвых замалёвак. У новым матэрыяле «Зьмяі» сама структура апавядання расфарбавана ў высакародныя залацістыя паўтоны. Гэта спелае палатно алеем, у якім замяшаліся любоўныя матывы невыноснай лёгкасці, удушша чалавека, заціснутага ў чатырох сценах, і вопытнасць пасталелай дзяўчынкі з дзіцячым мядзведзікам у руцэ, якая растае ў мроіве паўдзённай дарогі. Доўгай дарогі дадому.
«Змяя»:
Зоя Сахончык – вакал
Яўген Броўка – бас / бэк-вакал
Андрэй Ліхашэрстаў – бубны
Анастасія Мурашка – скрыпка
VS – гітара
Андрэй Баброўка, Павал Траццяк – запіс
Зміцер Іваней – звядзенне, мастэрынг
Канстанцін Клемянцоў – дызайн
Multi label "Piarshak" is presenting a new full-length album, "Jesli čjestno" (To be Honest) by "Źmiaja" (“Snake”) band, which "shedded" its old heavy-metal-rock skin and focused on girls' emotional ballads. Tender, piercing, fierce!
