Akute і «Грязь» – «Кома». Прэм'ера сінгла на «Першаку»!
Гэтай вясной магілёўскі гурт вернецца з новым альбомам. Так гучыць першы сінгл.
Сумаваў(-ла)? Мы таксама.
Новы сінгл Akute – гэта тыя ж сінтэзатары, меладычнасць і прыпеў, які ты запомніш з першага разу. З нечаканага: гасцявы куплет Дзяніса Астапава з гурта «Грязь» – яшчэ аднаго магілёўскага калектыву, які ты можаш памятаць па ўдзеле ў ім Ромы Англічаніна або выдатным (але жудасным) альбоме «Сундук мертвеца».
Яшчэ адна цудоўная навіна: увесну Akute выпускаюць новы альбом. Больш ніякіх дэталяў няма, але пасля трохгадовага маўчання нам хопіць і гэтага. Летась у Akute выйшаў самотны сінгл «Усе песні спетыя», а папярэдні альбом «Plastyka» пабачыў свет яшчэ ў 2016-м.
Тры гады – гэта шмат. Чакаем вясну.
Дзяніс Астапаў:
«Калі я пішу тэксты, заўсёды думаю пра Жыжэка, і ў гэты раз да яго дадалося чыёсьці разбітае дзяцінства».
Akute:
«Ідэя трэка – прачнуцца ад комы не з таго боку. Гэта, як і астатняя наша музыка, нейкі шаманскі абарот слоў і вобразаў па коле».
Слухаць на Apple Music, GooglePlay и Яндекс.Музыке
