У Дзень абароны дзяцей – 1 чэрвеня – майстар аўтарскай песні Зміцер Вайцюшкевіч прадставіў вялікі альбом «Вясёлка над плёсам». У рэлізе паўдзельнічалі Лявон Вольскі, Света Бень, гурт Naviband і яшчэ некалькі дзясяткаў беларускіх артыстаў.

Агулам запісалі 19 песен, усе яны – на вершы Аляксея Пысіна. Анімаваную верію альбома для YouTube стварылі Андрусь Такінданг і Дзяніс Міжуй. 

«Я рады, што атрымалася сабраць на адной кружэлцы столькі выдатных імёнаў, – распавёў Зміцер Вайцюшкевіч. – Альбом найперш дзіцячы, але вельмі раю паслухаць яго і дарослым:  у наш час кожнаму неабходныя ўсмешкі ды праменьчык святла».

Слухаць «Вясёлку над плёсам» можна на ўсіх папулярных стрымінгавых пляцоўках.