Галя Chikiss прэзентуе альбом у Берліне
14 траўня віцебская артыстка Галіна Азяран aka Chikiss прадставіць на берлінскай сцэне альбом «Between Time and Laziness».
Запіс створаны ў калабе з фінскім мультыінструменталістам Jaakko Eino Kalevi і выпушчаны на гамбургскім лэйбле Bureau B, які апісвае плытку такім чынам: «Даследуючы матывацыю і сумневы ў сабе, доўгі цень Савецкага Саюза і калектыўную эмпатыю з кінематаграфічным флёрам, Chikiss балансуе паміж цемрай і святлом, і ў рэшце рэшт аказваецца на баку надзеі са сваім самым вытанчаным і адшліфаваным вакальным альбомам на сёння».
У прэзентацыі возьмуць удзел Jaakko Eino Kalevi, Die Wilde Jagd, Saeko Killy, Света Бень, Mustelide і не толькі. Дарэчы, згаданыя беларускі раней ужо давалі сумесны канцэрт.
***
Альбом «Between Time and Laziness» выйшаў летась, паслухаць яго можна на стрымінгах. Трэк «Four Forty Five» ужо паспеў атрымаць відэаўвасабленне.
