Гомельскія постпанкі Sož выдалі трэк пра «Сэлявільню»
Гомельска-варшаўскі электра-постпанк-гурт Sož выдаў змрочны сінгл «C'est la Vilnia».
«Апроч эміграцыі фізічнай, унутры нас адбываецца такі ж працэс, – каментуюць музыкі. – Падзеленыя нібы напалову, мы пакідаем частку сябе дома, пакуль другая нашая частка ад'язджае ва ўмоўную Сэлявільню – горад, адкуль не даходзяць лісты. Нам нават прыдумляць нічога не давялося, гэта нон-фікшн, фіксацыя жыцця нас саміх і нашых слухачоў ва ўсіх краінах».
Паслухаць «C'est la Vilnia» можна на розных пляцоўках.
Дарэчы, на платформе беларускай музыкі «КЛІК», на якую мы спаслаліся, з’явіліся персанальныя старонкі рэлізаў. Цяпер беларускія артысты могуць не ствараць адмысловыя старонкі пад свежыя сінглы – усё зроблена за іх: тут можна паслухаць прэв’ю трэка, пераключыцца на стрымінг, якім карыстаешся, ці даследаваць, што яшчэ выходзіла ў гэтага выканаўцы.
