Песня адразу была напісана па-літоўску, версія на звыклай гурту беларускай з'явілася пазней. Фронтмэн гурта Андрэй Ваз’янаў распавёў пра моўны эксперымент: «Новы альбом сачыняўся збольшага ў Літве, і паколькі я размаўляю па-літоўску вольна і часта, песня на гэтай мове нарадзілася тэхнічна лёгка, хоць і не так лёгка эмацыйна. Яна з’явілася з амаль што крыўды на абставіны – на адчуванне, што не можаш быць дома, не можаш адчуць сябе дома, і напамінаў аб гэтым шмат. Але з часам яна ператварылася ў песню-прыняцце, у гісторыю даравання і ўсведамлення жыцця як бясконцага падарожжа, якое не заўсёды ідзе паводле плана. Для кагосьці яна стане песняй-мостам, для кагосьці – песняй-пажаданнем добрага шляху, а камусьці дапаможа пераадолець страты і расстанні».

«1000 Krain / Nusivylimas» – першы сінгл з новага альбома гурта Vapna, які выйдзе напрыканцы вясны на лэйбле Radio Plato і будзе называцца «Амаль».

  Трэк даступны на ўсіх папулярных стрымінгах.