Улоў #5

16 сакавіка судзілі 52 чалавекі. Пасля санкцыянаванага «марша недармаедаў» невядомыя без апазнавальных знакаў сталі затрымліваць людзей на вуліцы і ў тралейбусе.

 

 

Акурат учора выйшаў доўгачаканы альбом Depeche Mode. Spirit ужо можна паслухаць тут.

 

Мы няслаба напружыліся, калі даведаліся, што будынак «ЦЭХа», «Хулігана» і прылеглага ангара выстаўлены на таргі. Уяўлялі ўжо, як там адкрыюць «Еўраопт» або пабудуюць бізнэс-цэнтр. Але на гэтым тыдні ўсё вырашылася: Белгазпрамбанк выкупіў ангар і памяшканне, дзе знаходзіцца Ultrabar, а «ЦЭХ» і «Хуліган» засталіся непарушнымі. Ведаючы, як многа канкрэтны банк робіць у галіне мастацтва і культуры, мы трохі супакоіліся.

 

Французскае тэлебачанне ажыццявіла мару дзяўчыны з сіндромам Даўна, якая хацела стаць weather girl  – вядучай прагнозу надвор'я . Мэлані не ўмее чытаць і пісаць, але работнікі тэлебачання дапамаглі ёй адчуць сябе на сваім месцы.

У мінулую нядзелю выйшаў новы кліп са Снуп Догам на трэк Lavender ад BadBadNotGood. Сюррэалістычнае відэа распавядае пра грамадства клоўнаў, якімі сталі сучасныя Штаты. Клоўн-паліцэйскі забівае звычайнага клоўна, гэта здымае яшчэ адзін клоўн і залівае на ClownTube. Па тэлевізары паказваюць, як Рональд Кламп хоча дэпартаваць усіх догзаў. У кульмінацыі паборнік справядлівых амерыканцаў СнупДогіДог страляе ў злоўленага прэзідэнта цацачным пісталецікам. Трамп паглядзеў кліп, і яму не спадабалася: «Вы можаце сабе ўявіць абурэнне, якое ўзнікла б у выпадку, калі б Snoop Dogg, які перажывае не лепшыя часы ў кар’еры, накіраваў пісталет і стрэліў у Абаму? Турэмны тэрмін!» Вельмі стылёвае і злабадзённае відэа!

 

Мы не маглі пакінуць па-за ўвагай Томі і таму зрабілі другі кліп тыдня! Да таго ж ён такі круты. Урбан, сэкс, трэш – усё, што мы любім.

 

Важны лонгрыд з маналогамі маладых трансгендараў з Расіі (female to male). Раім звярнуць увагу на апошнюю гісторыю, дзе герой вырашыў стаць трансгендарным чалавекам з палітычных меркаванняў.