РЭЛІЗ

УніСон .K

ЧЫТАЦЬ ПА-БЕЛАРУСКУBEL
READ IN ENGLISHENG

Нечаканы і абсалютна бясплатны рэліз на «Першаку» – другі альбом эксперыментальнага праекта «.К» з вёскі Суботнікі, што амаль на мяжы з Літвой. Плытка «УніСон» – сапраўды нялёгкая і да дрыготкі праўдзівая музычная ноша, якая доўгі час таілася ў нетрах аднаго розуму і нарэшце вырвалася вонкі.

«Кропка Кей» – гэта one man band з Заходняй Беларусі, заснаваны музыкам Яўгенам Кучмейнам, моцны струмень сапраўднага натхнення для закатаванай бардамі роднай зямліцы. У гэтым радыкальным рашэнні праблемы калектыўнай творчасці ўсё зроблена сумленна – музыка, тэксты, настрой і пасыл ірвуцца на волю вельмі неардынарнымі асабістымі порцыямі. Кроў выплёўваецца ў мікрафон шматкамі, а мудрагелісты ўзор аўтарскіх галюцынацый прадзірае да костак, як радыяцыя.

Альбом пісаўся шэсць месяцаў у жорсткіх рэаліях беларускай глыбінкі – у вёсцы Суботнікі, амаль на мяжы з суседняй Літвой. Такі дзікі творчы into the wild не мог не адбіцца на начынцы плыткі. У Яўгена лоўка атрымалася збудаваць свой андэграўндны рытуальны закуток, дзе губляюцца межы рэальнасці, а гіпнатычны хрыплы голас вядзе шаманскую экскурсію па ўласным лабірынце Мінатаўра.

Unexpected and absolutely free release at "Piarshak" – the 2nd experimental album by ".K" project from the village almost on the Lithuanian-Belarusian border. The album "UniSon" is really a hard and truly tremble musical “burden”, which has been hidden for a long time in the depths of mind and finally has broken loose.