- ЧЫТАЦЬ ПА-БЕЛАРУСКУBEL
- READ IN ENGLISHENG
Пачынаем афіцыйную бясплатную раздачу свежай плыткі Reaĺnaść i sny ад магілёўскага рамантык-трыа Akute. Яшчэ адна порцыя дакладна і тонка вывераных гітоў тлустым і цягучым слоем накладзецца на твае музычныя рэцэптары і цалкам убярэцца пад скуру, у спецыяльны адсек маленькіх ахвяр у імя рэальнасці.
Плытка Reaĺnaść i sny – гэта зноў абсалютна нашы матывы і гармоніі. Akute працягваюць пісаць сцэнар у сваёй простай і кранальнай манеры апавядання – сцэнар пра каханне і пошук, лістапады і крылы за спінай, разлуку і нуду, пра надзею. І гэтыя меладычныя сказы, кропкі і коскі надзіва тутэйшыя (у добрым сэнсе слова). Гэтая мінорная музыка арганічна кладзецца на ўсё тое, што бачыш з вокнаў аўтобусаў, цягнікоў, таксовак, офісаў, універаў, здымных хатаў або кавярняў, праз відашукальнікі камер і бінокляў або проста праз дзвярное вочка. Прычым кладзецца не толькі на тое, што бачыш фізічна, але і на тое, што прадбачыш. А яшчэ гэтая музыка часта трапляе ў настрой, калі ў асноўным сумна і зусім трошкі похуй.
We're starting an official giveaway of a new record “Reaĺnaść i sny” (“Reality and Dreams”) from romantic trio Akute. Another portion of precisely and finely tuned hits that will activate your musical receptors and completely absorbed into the skin, in a special compartment of little sacrifices for the sake of reality.
