РЭЛІЗ

МПДД + HMR Распилил и Выбросил

ЧЫТАЦЬ ПА-БЕЛАРУСКУBEL
READ IN ENGLISHENG

Перад табой ганаровы юбілейны рэліз на «Першаку», прысвечаны контркультурнай легендзе беларускай музычнай сцэны дзевяностых, гурту «Распилил и Выбросил». Здаецца, такога ўзроўню канцэптуальнага дэбілізму і творчай свабоды на роднай эстрадзе нікому не ўдавалася дабіцца ні «да», ні «пасля». Сёлета абодвум унікальным і непаўторным альбомам калектыву – «Мульти-пульти-джыги-джыги» і HMR – спаўняецца роўна дваццаць гадоў.

Творчымі стрыжнямі бэнда «Распилил и Выбросил» былі два Сашы – Суворавец, які ў сярэдзіне дзевяностых з’ехаў у ЗША, і Ліберзон, які застаўся ў «Кассиопее». Спадчына легендарнай каманды магла б назаўжды адысці ў нішто, бо ледзьве не адзіную версію ўсіх запісаў Суворавец звёз з сабою ў эміграцыю на «дэфіцытнай сідзі-эрцы», а Ліберзон згодна з уласна распрацаванай распіздзяйскай звычкай увогуле ніколі не цікавіўся захаваннем матэрыялу, але інтэрнэт выратаваў – і сёння абодва альбомы (з «гаўнабонусамі») можна праслухаць і спампаваць унізе старонкі.

«Распилил и Выбросил» – гэта ўнікальны мульцяшны «хэві-мэтал-рок» з цэнтра Еўропы, які ўзрывае мозг канцэнтраваным творчым беззаконнем і вельмі дакладна адлюстроўвае месца і адрэзак часу, у якім з’явіўся на свет – нядоўгі і дзіўны момант беларускай свабоды. Момант, калі можна было тварыць усё. У тым ліку на сцэне.

Here you can see "Piarshak" honorable anniversary release, dedicated to the legend of the Belarusian countercultural music scene of the 90’s – “Raspilil i Vybrosil” (“Sawed and Threw Away”) band. It seems that nobody has been able to achieve such a level of conceptual craziness and creative freedom at Belarusian stage neither "before" nor "after." This year, both unique and exclusive studio album – "Multi-pulti- jigy-jigy" (MPDD is an abbreviation to “multi-pulti- jigy-jigy” which doesn’t have any specific sense, this is just words which are perceived as smth musical and maybe dancing) and HMR are celebrating their twentieth anniversary.