Piarshak Party #2
Ці не ад самага пачатку стварэння часопіса мы ладзім вечарыны. Калісьці гэта былі студэнцкія паці ў «Малацэ», потым мы запусцілі пахмельную франшызу Hangover Party, цяпер – інтэлігентна адрываемся на Piarshak Party. Але пад шыльдай хаваецца той самы рэцэпт – танцавальны пазл рытмаў з усяго свету, сустрэчы старых сяброў і непрадказальны фінал. Распавядаем пра інгрэдыенты бліжэйшай тусы, якая адбудзецца 24 лютага, у гэтую суботу, у «Хулігане».
Наш музычны татэм, які, як і належыць сапраўднаму беларускаму бабру, з лёгкасцю перамяшчаецца праз Вілейска-Менскую водную сістэму, мінуючы ўсе музычныя перашкоды. На гэтую тусу прывязе, па яго словах, «біты, постдыска, буці-шэйкеры і бугі-вугі».
KorneJ
Рэдактар «Першаку», які бесперастанку паглыбляецца ў рэгіянальныя музычныя сцэны па ўсім свеце – пачытай яго апошні інвестыгейшн у афрабітс. Цэніць непрадказальнасць моманту, таму і граць будзе штосьці эксцэнтрычнае, але трапічнае.
Даўні сябар рэдакцыі, соўлмэйт безлічы людзей у Менску. Памятаем яго яшчэ па віленскіх тусоўках у бары Woo, пасля – па падкастах для Kyky.org. Нам пашчасціла забукаць яго праз халаднакроўнага менеджара, якога цяпер павінны адаграваць шотамі. Лёша сыграе нам бойкі сэт мінімал-кумбіі, змяшанай з заліхвацкімі рыдзімамі карыбскага рэгіёна.
Алсо:
Пашырыць свой геаграфічны далягляд і набрацца ўражанняў ад самага экстрэмальнага валацугі-журналіста Лёні Пашкоўскага можна на яго майстар-класе «Як зрабіць сваё трэвэл-шоў і выжыць», які ладзяць нашыя калегі з 34travel у прасторы Punkt а 17:00 у той жа дзень. Падрабязнасці чапляй тут.
Дадатковыя опцыі вечара могуць з’явіцца бліжэй да івэнта. Сачы за інфой на старонцы тусоўкі.
