Прэзентацыя сінгла: Palina – Бродский

25.05.2018

Аўтар: kornej

70317

Пасля трохгадовага перапынку Рэспубліка Паліна вяртаецца ў нашы сэрцы. З новым імем, электронным гучаннем і трэкам, пасля якога ты раптам таксама апынаешся ля вакна і ўтаропліваеш вочы на ўласныя цені жыцця.

Звядзенне і майстарынг – Алег Даманчук
Фота – Каця Крук
Верш «Я всегда твердил, что судьба – игра...» – Іосіф Бродскі

Palina пра рэліз:

– Гэты трэк я выпускаю пад крыху іншым імем – Palina. Ён для мяне дэбютная дыпломная работа ў ролі ўласнага аранжыроўшчыка, таму што да гэтага я заўсёды працавала з музыкамі. Ён жа цалкам напісаны мной. Выдаць гэтую песню я збіралася тры гады, пасля таго як пайшла ў школу Вовы Патапенкі. Таму я не тое каб баюся, але вельмі хвалююся.

Трэк нарадзіўся спантанна. У раннія студэнцкія гады я спявала пад гітару гэтую песню, кавер на Дыяну Арбеніну, а перад нейкім нядаўнім канцэртам сябры папрасілі ўспомніць яе, так бы мовіць, страсянуць даўніной. Я зачапілася за бас – так і з’явілася новая версія. Я паставіла дэдлайн – дзень народзінаў Бродскага, падумала, што ён быў бы рады.

Сёлета Palina выступае на шматлікіх канцэртах і фестывалях – 1 чэрвеня ў менскай кавярні Gray House, 10 чэрвеня на расійскім фэсце «Дикая мята», 30 чэрвеня на экафэсце «Пастарнак», – на якіх сыграе як новыя песні, так і добра вядомыя, але ў абноўленых апрацоўках. Восенню Паліна плануе выпусціць новы альбом.

Palina ў сеціве: