Поп-панк-гурт ZVONKU выдаў альбом «Арэлі»
«Арэлі» – другі студыйны альбом у дыскаграфіі гурта.
Настрой плыткі цалкам адпавядае яе назве: слухачоў гайдаюць на арэлях ад неўтаймаванай радасці – да самоты, ад драйву – да цішыні, ад бунту – да пяшчоты. Музыкі кажуць, што «проста зрабілі гук з таго, што адчувалі» самі.
У адрозненне ад EP «Таксікоз» шасцігадовай даўніны «Арэлі» – больш усвядомленая праца: тут уздымаюцца важныя і аасбістыя пытанні, але, на шчасце, панк-энергія і дзёрзкасць ZVONKU нікуды не зніклі: «Мы пасталелі, але не пастарэлі».
У падтрымку альбома гурт падрыхтаваў караткаметражны музычны фільм, заснаваны на трэках з «Арэляў». Прэм’ера адбудзецца 21 жніўня на ютуб-канале гурта, а пакуль што можна паглядзець цізер:
Каб не прапусціць выступы ZVONKU з новым матэрыялам, варта падпісацца на іх інстаграм.
