AboveGround – фатограф і кліпмэйкер з Літвы. Сапраўднае імя невядомае, але і ясна чаму – таго, што можна знайсці на ягоных здымках, хопіць, каб адкрыць не адну крымінальную справу. Ён шмат вандруе: пад ягоную ўвагу трапляюць тусоўкі ад Літвы да Ісландыі праз Нью-Ёрк і Парыж, – і ўжо мае імя ў еўрапейскай альтэрнатыўнай фатаграфіі. Здымае ў асноўным snap shots пра штодзённасць еўрапейскай і амерыканскай андэграўнднай супольнасці: іх творчасць, вечарыны, наркотыкі і алкаголь, праблемы з паліцыяй і дух свабоды.
Працы AboveGround даюць даволі спрэчны эфект. З аднаго боку, яны здымаюць з хіп-хоп тусоўкі залатыя ланцугі і вызваляюць з нерэалістычных дэкарацый, створаных крэатыўнай індустрыяй. З другога – гэтыя здымкі ўтвараюць асобнае гета, напоўненае спецыфічнымі сімваламі прэстыжу і бутэлькамі дарагога алкаголю. Гэтыя фота абяцаюць паказаць рэальнасць, і мы чакаем сутыкнуцца з дэміфалагізацыяй вобраза хіп-хопера/графіціста, але толькі ўзмацняем othering – прызнанне групы ці асобы як «іншага».
Але глядзяць на здымкі AboveGround не для аналізу соцыуму, а для таго, каб падсілкавацца гэтай атмасферай драйву, бясконцых тусовак, супраціўнага крэатыву. Ягоная творчасць – маніфест андэграўнднага духу, сапраўдная візуалізацыя дэвізу «Sex, drugs, hip-hop» і адначасова мануал, як трэба адрывацца ў маладосці і як не спыняцца, калі ад яе засталіся рожкі ды ножкі.
Падборачка маладых беларускіх жывапісцаў, якія дагэтуль не здраджваюць любімаму «жываку»
На гэты раз візуальную ўвагу 34mag прыцягвае сучасны ўкраінскі мастак і фатограф Саша Курмаз.
Напярэдадні адкрыцця выставы французскай мастачкі Мары Лазье «Hello, Happiness!» знаёмімся бліжэй з ёй і ейнымі сюррэалістычнымі працамі.
Як пачаць займацца мастацтвам на пенсіі і зладзіць сваю выставу ў Лондане.
Імправізацыі ў ангарах і метро.
9 трэкаў, аб’яднаныя ў адну гісторыю.
Каго паслухаць, каб захапіцца сённяшняй беларускай музыкай.
«Каму мы патрэбныя, калі не сабе».
КАМЕНТАРЫ (1)
а дзе секс и телочки? одни нигрилы какие-то