Avias прэзентуе новы акустычны альбом, запісаны разам з Akute, The Toobes і Вольскім

ЧЫТАЦЬ ПА-БЕЛАРУСКУBEL
READ IN ENGLISHENG

Альтэрнатыўны менскі бэнд Avias вырашыў паэксперыментаваць і часова зачахліў свае прымочкі і педалі. Сёння на «Першаку» ты пачуеш і спампуеш новы альбом «Акустыка» – нешта знаёмае і блізкае да эмцівішнага анплагету з цэлым россыпам запрошаных айчынных і не толькі музычных зорак.

Кожны трэк – гэта лірычнае пераасэнсаванне старога баевіка з калекцыі бэнду і адначасова зорная «фітуля» з сяброўскім музыкам. У запісе альбома прынялі актыўны ўдзел: Стас Мытнік (Akute), Валерыя Валадзько («Гаротніца»), Костя Чалых («Мои ракеты вверх»), Вова Казлоў (Re1ikt), Стас Ламакін (The Toobes), Лявон Вольскі aka Volski.

На выхадзе ў Avias атрымаўся шчыры і ёмісты сэт радыйнага (у лепшым сэнсе гэтага слова) фармату. Кожны з музычных партнёраў з усёй сур’ёзнасцю ажыццявіў сваю творчую ін’екцыю ў першапачатковы хімічны склад трэкаў, дадаўшы ім прыемнай «уласнасці». Дакладна можна сказаць, што ў гэтага матэрыялу якасная акустыка.

Avias: Раман Сухоцкі (вакал, гітара), Vicky Fatez (бубны), Сяргей Налівайка (бас), Зміцер Ярмола (гітара)

Thanx to:

Ілля Пятровіч (клавішы ў «Лепш за цябе» і «Рай»), Сяргей Паўлаў (перкусія ў «Н»), Алег Даманчук (запіс вакалаў), Зміцер Каршановіч (запіс бубнаў і акустычных гітар), Косця Пыжоў (звядзенне і мастэрынг).

Alternative Minsk band Avias decided to experiment and temporarily hid their gadgets and pedals. Today at "Piarshak" you can listen to, and download the new album “Akustyka” (“Acoustic”) – something familiar and close to unplugged MTV with the whole bulk of invited national idols and foreign music stars.