Тэст: руіны краіны ведаеш?

Рубрыка: ТЭСТЫ
30.06.2020
Аўтар: 34mag
11418

Рэстаўрацыя – гэта часта ўбога, але ў некаторых выпадках яна не пачынаецца ўвогуле. Праверым, наколькі ты пазнаеш будынкі, што чакаюць клапатлівых сэрцаў, умелых рук, велізарных грошай, пакуль няўмольны час точыць камень, пасыпаючы яго пылам забыцця.

Тэст створаны ў межах кампаніі «Зробім лепш 2020» пры падтрымцы Асамблеі НДА Беларусі.

Руіны краіны ведаеш?

Старт!

Тут бы з'явіцца беларускай вежы Гедыміна: гэты замак узвышаўся на вышыні 323 метры над узроўнем мора і служыў рэзідэнцыяй князям ВКЛ.

Навагрудак

Крэва

Мядзел

Дакладна. Ад замка мала што засталося (эх, шведы...). Затое адсюль адкрываецца раскошны від на горад і нават Налібоцкую пушчу відаць.

Памылка. Гэта Навагрудскі замак, ад якога мала што засталося (эх, шведы...). Затое адсюль адкрываецца раскошны від на горад і нават Налібоцкую пушчу відаць.

Далей!

Грандыёзны Ружанскі палац завяршыў сваё актыўнае існаванне ў статусе…

Бровара

Іпадрома

Суконнай фабрыкі

Дакладна. Адзінаццаць Сапегаў валодалі гэтым палацам, але пасля падзелу Рэчы Паспалітай аддалі замак пад фабрыку. Потым у яго гісторыі – пажары, пажары, пажары. Цяпер павольна рэстаўруецца.

Не-а. Адзінаццаць Сапегаў валодалі гэтым палацам, але пасля падзелу Рэчы Паспалітай аддалі замак пад фабрыку. Потым у яго гісторыі – пажары, пажары, пажары. Цяпер павольна рэстаўруецца.

Далей!

Гэтыя руіны не знікнуць бясследна: застануцца на старонках рамана Уладзіміра Караткевіча. А дзе яны?

У Альшанах

У Гальшанах

У Ашмянах

Цябе не правядзеш! Рэзідэнцыя канцлера ВКЛ Паўла Сапегі знаходзіцца ў Гальшанах.

Заблытаўся(-лася). Рэзідэнцыя канцлера ВКЛ Паўла Сапегі стала правобразам «чорнага замка Альшанскага». Але знаходзіцца яна ў Гальшанах.

Далей!

Гэта капліца-пахавальня шляхетнага роду, да якога належыць літаратурная знакамітасць. Што за род?

Дуніных-Марцінкевічаў

Равінскіх

Ажэшкаў

Дакладна! Дарэчы, Эліза Ажэшка прэтэндавала на нобелеўку ў 1905 годзе, але яе абышоў Генрык Сянкевіч. Капліца знаходзіцца ў Заказелі на Брэстчыне. XIX стагоддзе, неаготыка.

Міма. Капліца знаходзіцца ў Заказелі на Брэстчыне. XIX стагоддзе, неаготыка. Гэта маёнтак Ажэшкаў. Перачытаем раман Элізы «Над Нёманам»?

Далей!

Навошта Быхаўскай сінагозе такая круглая вежа?

Гэта рыса раманскага стылю

Гэта для абароны

Гэта воданапорка

Дакладна. Дарэчы, таўшчыня сцен гэтай закідкі – два метры.

Не. Быхаў сам па сабе горад-крэпасць, так што нават месцы культу тут асаблівыя.

Далей!

У гэтай слаўнай фартэцыі цяпер ідзе самая галоўная бітва – бой з часам.

Брэсцкая крэпасць

Крэпасць у Горадні

Бабруйская крэпасць

Так. Гэта рэдзюіт з капанірам Бабруйскай крэпасці – адзінай, якая не здалася французам у 1812-м.

Ну не. Гэта рэдзюіт з капанірам Бабруйскай крэпасці – адзінай, якая не здалася французам у 1812-м.

Далей!

Не адразу зразумееш, што тут было раней.

Сядзіба

Манастыр

Шпіталь

Дакладна! Гэта руіны манастыра картэзіянцаў у Бярозе, які разабралі на цэглу за ўдзел манахаў у паўстанні 1863 года.

Не. Гэта руіны манастыра картэзіянцаў у Бярозе, які разабралі на цэглу за ўдзел манахаў у паўстанні 1863 года.

Далей!

Сцены сядзібы ў Жалудку пакрытыя сажай. Што гэта было?

Чырвонаармейцы «пагасцявалі»

Немцы спалілі

Тут здымалі кіно

Угу. Цудоўны будынак даўно аблюбавалі кіношнікі і кліпмэйкеры. На здымках хорару «Масакра» палац зафарбавалі штучнай сажай і абляпілі «ўпрыгожваннямі».

Не. Цудоўны будынак даўно аблюбавалі кіношнікі і кліпмэйкеры. На здымках хорару «Масакра» палац зафарбавалі штучнай сажай і абляпілі «ўпрыгожваннямі».

Далей!

А гэтай прыгажосці з дзеячамі культуры пашанцавала. Што гэта?

Белая царква

Чырвоны касцёл

Чорная кірха

Ведаеш! Улетку тут праходзіць фестываль SPRAVA, старажытныя руіны ажыўляе музыка.

Міма. Улетку тут праходзіць фестываль SPRAVA, старажытныя руіны ажыўляе музыка.

Далей!

У якім стылі выкананы касцёл Панны Марыі ў Смалянах?

Сармацкае барока

Віленскае барока

Полацкае барока

Яно самае. А Полацкага зусім не існуе, тамтэйшы Сафійскі сабор – узор барока віленскага.

У «малако». Таксама віленскае барока: Сафійскі сабор у Полацку, касцёл кармелітаў у Глыбокім, Успенскі сабор у Віцебску і не толькі.

Далей!

Гэтую некалі выдатную сядзібу цяпер спрабуюць аднавіць амаль «з нуля».

Сядзіба Храптовічаў у Шчорсах

Сядзіба Тышкевічаў у Вялым

Сядзіба Хмараў у Сёмкаве

Слушна! Два іншых комплексы таксама маюць патрэбу ў клопаце і грошах

Не. Хоць усім комплексам у гэтым спісе не перашкодзілі б клопат і грошы.

Далей!

Колькі драўляных дамоў пач. XX ст. засталося на вуліцы Валатаўской у Гомелі?

На жаль. Актывісты амаль прайгралі гэты бой забудоўшчыку шматпавярховак.

Апошні. На месцы дарэвалюцыйнай забудовы з прыгожым разьбяным дэкорам растуць шматпавярхоўкі.

Далей!

Яшчэ раз!

Тэст: руіны краіны ведаеш?

Чытаць яшчэ:

Ці ўмееш ты кантачыць з людзьмі з інваліднасцю?

У якім фармаце прасунуць сваю ідэю?

Якую карысную звычку завесці ў 2020-м?

«Доктар, я нармальны(-ая)?» Тэст

На галоўнай:

Як вырасціць не толькі дайкон, але і сяброўства: гісторыя «Агарода Мар»

Як хадзіць у музеі? 9 пытанняў мастацтвазнаўцу Дзмітрыю Салодкаму

Запусціўся чат-бот пра ВІЧ і сэксуальнае здароўе

Алесь Кот-Зайцаў: «Людзі важнейшыя за фатаграфіі»

Выйшаў сумесны сінгл гуртоў «Сны Синей Собаки» і «ЗАО "Сомнительные инициативы"»