Тэст: наколькі ты прамарнаваў(-ла) лета?

Рубрыка: ТЭСТЫ
15.08.2019
Аўтар: 34mag
7787

Ура, лета на фінішнай прамой. Туды-сюды – і Шуфуцінскі пераверне, што трэба, а потым – дажджы, пяць слаёў шэрага адзення, адны боты на кожны дзень і ніякіх табе вечарынак пад адкрытым небам. Ды пакуль гэтае суцэльнае шчасце не надышло, праверым, наколькі табе ўдалося спусціць у сметніцу гэтае лета з усімі яго традыцыйнымі must do.

Старт!

Адразу пра галоўнае. Ты бачыў(-ла) мора?

Толькі ў інстаграмах (не)сяброў.

Менскае пойдзе?

Так.

Далей!

Танцаваў(-ла) на ўсіх оўпэн-эйрах горада?

На парачцы бясплатных дакладна быў(-ла).

Так, наздымаў(-ла) тону відосаў, якія не прагледжу ніколі.

Безумоўна. І не толькі горада. І не толькі Беларусі.

Далей!

Назіраў(-ла) зоркі на чыімсьці лецішчы?

Я не рамантык.

Бывала.

Палічыў(-ла) іх усе!

Далей!

Што там па хатніх ліманадах?

Я адналюб і п'ю колу/мінералку/піва круглы год.

Ну часам замест капучынкі частаваўся(-лася) смузі.

Мая кроў цяпер суцэльныя вітаміны.

Далей!

Супер-8, «Паратрупер»...?

Хачу пракаціцца на дзіцячай чыгунцы, але не складваецца…

Хадзіў(-ла) у аквапарк.

У парк атракцыёнаў я лячу адразу, як пачынаецца сезон.

Далей!

Гуляў(-ла) пад дажджом?

Вы што, гэта ж пнеўманія.

Не тое каб мне гэтага вельмі хацелася, але было.

Так.

Далей!

Праваняўся(-лася) кастрыкам як след?

Фу. Яшчэ спытайцеся пра песні пад гітару.

Выбіраўся(-лася) на пікнік разы тры-чатыры.

Здаецца, гэты пах навечна ў маёй скуры.

Далей!

Перакаштаваў(-ла) усё новае марожка?

Наярываў(-ла) «Каштан» не часцей, чым узімку.

У 20+ гэта абавязкова.

Нават васільковае знайшоў(-ла).

Далей!

Снедаў(-ла) на летніх тэрасах?

Я не снедаю.

Парачку разоў чапляў(-ла) круасан дзесьці на Маркса.

О, гэта мой культ!

Далей!

Збіраў(-ла) ягады?

Трымаюся падалей ад тусовак кляшчоў.

Не збіраў(-ла), але па лесе ганяў(-ла), зязюль чуў(-ла).

Так.

Далей!

Бадмінтон і ўсё такое...?

Не, калі і спорт, то толькі зала.

Схадзіў(-ла) на тымбілдынг з пляжным валейболам.

Нейкія летнія віды спорту прысутнічалі, і часцяком.

Далей!

Адкрыў(-ла) для сябе новыя куткі Беларусі?

Артадаксальна выязджаю толькі да бабулі.

Невялікія трыпы па радзіме былі разы два-тры.

О так! І я фанат(-ка) 34travel.

Далей!

Што па загары?

Я мярцвяна-бледны(-ая) і тым ганаруся.

Загар трактарыста: твар ды рукі.

Усе кажуць: «Ты што, у Анталію ганяў(-ла)?»

Далей!

Колькі світанкаў сустрэў(-ла)?

А навошта?

Прыкладна суботу праз суботу.

Ой, не злічыць.

Далей!

Цалаваўся(-лася) у кранальным пейзажы?

Мне няма з кім.

Бывала.

Паўсюль: у парку, на рэчцы, у гарах, на вулканах…

Далей!

Яшчэ раз!

Тэст: наколькі ты прамарнаваў(-ла) лета?

Чытаць яшчэ:

Хачу выказаць сваё меркаванне. Што мне за гэта будзе?

Наколькі ты шарыш у новых ініцыятывах?

У якім фармаце прасунуць сваю ідэю?

Тэст: хто ты падчас апакаліпсісу?

На галоўнай:

Як завяршыць год без самапрыніжэння і пачаць новы з яснай галавой? Парады гештальт-тэрапеўткі

Як завяршыць год без самапрыніжэння і пачаць новы з яснай галавой? Парады гештальт-тэрапеўткі

Новы праект пра свядомую моду запрашае на варкшопы ў Варшаве і Тбілісі

Як зберагчы калектыў ад перагрэву і канфліктаў? Меркаванне сацыятэхніка

Ад «Салюту» да світання: менскі клубны рух другой паловы 1990-х