Мой сад, маё пекла

У гэтую сераду ў музеі Азгура прайшла адкрытая рэпетыцыя Aortha & Goron – аўдыяпаэтычнага і візуальнага праекта музыканта Дзмітрыя Ладзеса, паэта Яўгена Горана і фатографкі Дзіны Даніловіч. Абсалютна ўсе дэталі перформанса створаны ўручную – задзейнічаны нават гукі, знятыя з цела Горана. Завешвай шторы шчыльней і пагружайся ў свет кіламетровай рэверберацыі, экспрэсіянісцкіх мазкоў наратыву і блуканняў паміж аголеным целам і зацікаўленымі позіркамі правадыроў сусветнага пралетарыяту.