Разухабісты міні-аркестр «Носорогов и Ко» раздае на 34mag свой новы альбом «Друг»

ЧЫТАЦЬ ПА-БЕЛАРУСКУBEL
READ IN ENGLISHENG

Сёння на «Першаку» мы запускаем у свет новы альбом DIY-кардынала беларускай музычнай тусоўкі Михея Носорогова. Прайшоўшы шлях ад самотнага гіперрэаліста да баявога акцыянера звышпапулярнага дуэта RockerJoker, Михей сабраў сапраўдны міні-аркестрык «Носорогов и Ко», з якім працягвае адточваць свой непаўторны хрыпла-танцавальны frankly-speaking-нефармат.

Альбом «Друг» – гэта гісторыя аднаго ап’янення, расказаная ад імя чалавека са складаным унутраным і знешнім светамі. Гэта палатно пра адзіноту, пошук падобных да сябе, прадчуванні непазбежнага татальнага краху і надзеі. Песні ў ім расстаўлены ў такім парадку, каб дакладна перадаць увесь букет перажыванняў лірычнага героя. Звонкае пахмелле, самалюбаванне, гіпертрафіраваная дзёрзкасць, эйфарыя, згасаючая бадзёрасць, сентыментальная шчырасць і халодная злая цвярозасць. І гэтак па коле.

«Носорогов и Ко»:
Міхей Насарогаў – вакал, гітара.
Андрэй Цалко – баян, бэк-вакал.
Глеб Турко – сузафон.

Павел Юрцэвіч – бэк-вакал.
Гарык Певін – запіс (ТО «Осмос»).
Саша Геліх – звядзенне, саўндпрадзюсінг,
майстарынг.

У Расіі альбом «Друг» выйдзе на новым індзі-лэйбле SunWoofer, заснаваным беларусамі Яўгенам Калмыковым (экс-прадзюсарам «Ляпісаў», прадзюсарам гурта Trubetskoy) і Аляксандрам Багданавым (дырэктарам «Серебряной Свадьбы» і агенцтва Bo Promo) у партнёрстве з маскоўскім рэкорд-мэйджарам Soyuz Music. У бліжэйшыя дні «Друг» з’явіцца на iTunes ды іншых лічбавых платформах, а пазней таксама і на CD.

Today we're releasing a new album by DIY-Cardinal of Belarusian musical clique Michej Nosorogov. Made a way from a lone hyperrealist to a combative shareholder of a very popular duo, Michej assembled a real mini-orchestra "Nosorogov & Co." which continues to hone his unique husky-and-dance and frankly-speaking non-format.