Прэзентацыя EP: The Yankees of Moor – Berlin Nights
Менскі эксперыментальны рок-гурт The Yankees of Moor выпускае дзве новыя песні пра берлінскія ночы. Пасля нястрымнага тусіча ў сталіцы рэйваў і свабоднай любові адчуй салодкую псіхадэлію рок-н-рольнага жыцця. Гоў па квіткі!
The Yankees of Moor пра EP:
– Мы хацелі да летняга сезона прадставіць музыку, якую добра слухаць цёплымі вечарамі на адкрытым паветры ці ў машыне. Галоўная песня EP – «Берлінскія ночы» – сумяшчае клубны трэш і ўгар з рокавым гучаннем. Пад яе скакаў увесь бар на нашым гомельскім канцэрце – гэтае пачуццё мы і хацелі перадаць.
Калі ў «Берлінскіх начах» мы адступаем ад уласных канонаў індзі і псіхадэлічнага року і ідзем у рок танцавальны, то другі трэк «Time To Adore» запісаны ў класічным ключы Yankees of Moor. Ён лірычны і пра закаханасць.
Вокладку малявала Анастасія Чарапанава, якая здымала дэбютны кліп музыкам.
The Yankees of Moor – менская эксперыментальная банда, якая на дадзены момант, акрамя «Berlin Nights», мае два міні-альбомы, EP, некалькі сінглаў і кліп. У склад уваходзяць чатыры класічныя музыкі, а таксама Джэк – хлопец, які адказвае за дзікі танцавальны сапорт падчас жывых выступаў.
The Yankees of Moor у сеціве:
VK Facebook Soundcloud Instagram
DOWNLOAD 16 МБ
