Прэзентацыя сінгла: Nizkiz – «Интроверт»
Магілёўскі рок-гурт Nizkiz працягвае заваёўваць нашы сэрцы. Надоечы хлопцы прэзентавалі кліп на лепшую песню 2017 года. Сёння – чарга паказваць свежы матэрыял. Чаму так важна часам ладзіць DIY-вечарынку толькі для сябе – слухаем «Интроверта»!
Вакаліст Саша Ільін пра песню:
– «Интроверт» – гэта песня пра чалавека, які проста хоча пабыць на самоце, нікуды не спяшацца. Пра чалавека, які ні ад каго нічога не патрабуе і ладзіць, калі захоча, DIY-вечарынку толькі для сябе. У цэлым, гэта набор вобразаў і эмацыянальных перажыванняў, якія, як мне падаецца, адчувалі многія, у тым ліку і я. Ну а ледзяны дом з балконам і вінілам – гэта любое месца на Зямлі, дзе ты можаш проста атрымліваць задавальненне ад (няхай нячастага) часу, праведзенага сам-насам.
24 сакавіка Nizkiz дасць вялікі сольны канцэрт у Re:Public
Па словах музыкаў, гэта будзе «класічны» выступ гурта: «Канцэртны год для нас толькі пачынаецца, мы набраліся сіл за выходныя і святы, паспелі змаркоціцца, таму рвёмся ў бой. Мы прэзентуем наш новы кліп на "вялікім экране", а таксама ўпершыню публічна сыграем новы сінгл. Песень становіцца ўсё больш, таму выбіраць, што граць, а што не, усё складаней. Але пастараемся ўключыць у праграму самае-самае».
Пасля менскага выступу гурт адправіцца ў невялікае турнэ: у Маскве Nizkiz адыграе жывы сэт на «Своем Радио», на наступны дзень, 29 сакавіка, сольнік у музычным бары «Мумий Тролль», затым канцэрт у Пецярбургу, а пасля і новы матэрыял можна будзе чакаць.
Nizkiz у сацсетках:
