Квантавы скачок: фотарэпорт з канцэрта апошняга туру «Пятлі прыхільнасці»
Johnny Cosmic адзняў гістарычную падзею ў Варшаве.
Год таму ў «Пятлі прыхільнасці» выйшаў першы беларускамоўны альбом – «Суперпазіцыя». Ён распавядаў пра нявызначанасць і трывогу, але адначасова дарыў надзею на лепшае. Выглядала, нібы ў гурта пачаўся новы этап. Эксперыменты, свежы матэрыял, новая геаграфія. Анансавалі тур на 16 краін – ну сланяры!
Аднак неўзабаве выявілася, што гэты тур будзе апошнім: Ілля Чарапко-Самахвалаў хоча «рухацца далей і перайсці на новы ўзровень», завяршыўшы гісторыю 20 з лішнім гадоў. Аматары гурта, якія думалі прапусціць тур праз пакручастую лагістыку, хуценька набылі квіткі, самыя адданыя – на канцэрты ў некалькіх гарадах, каб паслухаць яшчэ і яшчэ пра прксблннст, ТЭЦ і самый лучший цветок.
Вядома, геданісты не старэюць. Але – змяняюцца. Таму нічога не застаецца, акрамя спадзеву, што артысты матываваныя ўжыць штыфты, заціснуць раны, а там – прарасці, як у маі маладая трава. Прыхільнікі «Пятлі» будуць любіць гурт у любым агрэгатным стане, куды б яго кванты ні разляцеліся.
Фота: Johnny Cosmic
