«Приём!» быў запісаны ў Берліне і выйшаў на стрымінгах у канцы 2022 года. У лайве артысткі прэзентавалі яго ў 2023-м. Цяпер пераслухаць пранікнёныя, трывожныя і тэрапеўтычныя трэкі можна з візуалам. Дэкарацыяй выступіў будынак 1970-х гадоў будоўлі, у архітэктуры якога спалучаецца мадэрнізм, футурызм і эстэтыка ўсходнееўрапейскай фантастыкі.

«Гэта былі нейкія сюррэалістычныя здымкі, на мяжы сіл, сярод неймавернай прыгажосці і загадкавага святла, – напісала Света Бень у Facebook. – Мы нібыта правялі дзень у акварыуме ці на касмічнай станцыі».
 

  Глядзець.

Votvot эксклюзіўна здымае выступы рускамоўных артыстаў для публікацыі на ўласнай платформе. Для запісу намагаюцца выбіраць цікавыя лакацыі. Напрыклад, «АИГЕЛ» з трэкамі з дэбютнага альбома запісвалі ў закінутай гасцініцы на беразе Адрыятычнага мора.