Што казаў Лашак

  • 30.03.2015
  • Аўтар: 34mag
  • 8408
У суботу ў Studio 67 адбылася творчая сустрэча з журналістам Андрэем Лашаком, аўтарам 6-серыйнага доку «Падарожжа з Пецярбурга ў Маскву: асаблівы шлях». Гэта першы прывоз, арганізаваны медыялабараторыяй 34mag і «Еўрарадыё», з шэрагу афлайн-сустрэч, якія будуць ладзіцца ў Менску ды іншых гарадах Беларусі цягам гэтага года. Для тых, у каго не атрымалася патрапіць на сустрэчу, мы выкладаем відэафіксацыю мерапрыемства.

 

 

 

Суботнім вечарам у немаленькім памяшканні Studio 67 сабраліся каля 300 чалавек. Пасля прагляду на вялікім экране выбраных серый змрочнага дакументальнага сіткома па матывах дысідэнцкага рамана Аляксандра Радзішчава паўтары гадзіны аўтар фільма адказваў на пытанні публікі. Як нарадзілася ідэя паўтарыць культавы трып з Пецярбурга ў Маскву? Чаму просты народ прывык верыць у цара? Што такое «асаблівы рускі шлях»? І ці патрэбна ўвогуле людзям журналістыка? На гэтыя і іншыя пытанні ты знойдзеш адказы ці намёкі ў відосе ніжэй.

 

 

У каментах пішы, якіх яшчэ цікавых творчых асоб ты хацеў бы пабачыць у Менску. Магчыма, твая ідэя стане нагодай для наступнай сустрэчы.