«Аэрастат» прызямліўся на пляжы
- Рубрыка: РЭПОРТЫ
- 02.08.2016
- 9287
У мінулую суботу ў Гомелі прайшла трэцяя штогадовая вечарына «Аэрастат». Як адчуваеш сябе, калі паветраны шар падымае па-над зямлёю, – глядзі і чытай у адмысловым рэпорце для 34mag.
«Аэрастат» – музычная падзея, якая нязменна збірае ўсіх гарадскіх моднікаў, тусоўшчыкаў і меламанаў пад сваім шатром. Яна аб’ядноўвае жывую і электронную музыку, сучаснае мастацтва і прыроду. Арганізаваў тусоўку знакаміты ў Гомелі кафэлаторый «Cup of peace».
Першапачаткова івэнт планаваўся значна больш маштабным, у піянерлагеры «Надзея», дзе хэдлайнерамі павінен быў стаць менскі гурт «Петля Пристрастия». Аднак нешта не склалася, і мерапрыемства ў лагеры прыйшлося адмяніць. Але арганізатары вырашылі змяніць фармат і правесці лайтовую версію на гарадскім цэнтральным пляжы.
Каля вагончыка «Cup of peace» хлопцы збудавалі шацёр, пад якім размясціўся танцпол, імправізаваная дыджэйская стойка з дроваў, а ззаду экран з відэашэрагам. Музычны настрой і атмасферу стваралі і падтрымлівалі PapaBone, yrrow, makomela b2b Ghettoghetto b2b Serb, DJs Pogodina + Scarlett, Super DJ Besse, Music Lovers і Quadro.
З 17:00 можна было назіраць людзей, якія, пацягваючы ледзяныя ліманады, лянотна і мерна гулялі ў шашкі і нарды на дыванах пад вагончыкам, а больш актыўныя – на спартыўнай пляцоўцы ў футбол. Гэтым гарачым летнім вечарам на пляжы панавала расслабленая лаўнжавая атмасфера, якую рэдка можна злавіць у Гомелі.
З надыходам цемры адчуванне нейкага магічнага рэалізму ўзмацнілася. Магчыма, таму, што раз-пораз мільгаў Харытон у залатым плашчы і чырвоных трусах, які ўсіх фатаграфаваў, але часцей хацелі сфатаграфавацца з ім. Ці дзіўная дзяўчына, якая ўзняла сабе на плечы бервяно. Ці танец лімба на спартыўнай пляжнай пляцоўцы, асветленай магутнымі пражэктарамі. І ўсё гэта вельмі па-сапраўднаму, без штучнасці. Такі шчыры перформанс, арганічна ўплецены ў месца, прастору і час.
«Тут вельмі крута, мне падабаецца гэтая атмасфера, – апавядае пра свае ўражанні відавочца Федзя, – глядзі, тут мы сядзім, там гуляюць у футбол, там танчаць, і ўсё неяк правiльна і зладжана. Тут няма п’яных людзей, няма ніякай агрэсіі. Наогул неверагоднае нешта. Я такога нiколi не бачыў, шчыра кажучы».
Насамрэч лёгка можна было забыцца, у якой краіне, у якім горадзе, на якім кантыненце ты знаходзішся.
Я быў на падобных еўрапейскіх тусоўках, – распавядае Андрэй, – там усё звычайна альбо складана і занадта сур’ёзна, альбо сумна. Тут жа ўсё вельмі натхняльна: і музыка, і людзі, і месца».
«Аэарастат» стаў самай значнай летняй падзеяй у жыцці горада, а хлопцам з «Cup of peace» у чарговы раз удалося зрабіць неверагоднае свята.
Фота by Наста Кот
Чытаць яшчэ:
Сезам для Белай Царквы
Ад плывучай платформы для пікнікоў да алтара – разглядаем аб’екты ў беларускай вёсцы, пабудаваныя на міжнароднай архітэктурнай школе SESAM 2018 Ex Nihilo.
Stereo Weekend 2018: вялікі фотарэпорт ад palasatka
Сяброўскі дзвіж і клоўзапы хэдлайнераў менскага Stereo Weekend– у атмасфернай фотасправаздачы арт-дырэктаркі 34 Media Касі Сырамалот.
Осторожно: панк. Как группа «Дай дарогу» захватила Re:public
Брестские рокеры традиционно заехали в любимый минский клуб, чтобы напомнить тебе, что такое панк.
На галоўнай:
Юрый Сямашка: «Калі быць змрочнымі было б нацыянальнай асаблівасцю беларусаў, то я быў бы самым папулярным рэжысёрам»
Гутарка пра прызы, фестывалі, магчымасці і мары.
Юрый Сямашка: «Калі быць змрочнымі было б нацыянальнай асаблівасцю беларусаў, то я быў бы самым папулярным рэжысёрам»
Гутарка пра прызы, фестывалі, магчымасці і мары.
«Мне адгукаецца гісторыя вечных чужынцаў»: размова з мастачкай Марыяй Гвардзейцавай
Пра дом, пра памяць, пра боль, у якім усе роўныя.
Ад «Салюту» да світання: менскі клубны рух другой паловы 1990-х
Росквіт размаітасці і крызісны заняпад.
КАМЕНТАРЫ (1)
Было волшебно! Лучшее событие гомельского лета!