РЭЛІЗ

Метро Мутнаевока

Пасля прэзентацыі сінгла «Сады» менскі гранж-бэнд «Мутнаевока» выпускае новы альбом. Трэцяя плытка «Метро» – шчырае падарожжа да сябе першапачатковага праз цёмныя тунэлі са светлымі прыпынкамі нашай душы. Слухай і пампуй бясплатна на «Першаку»!

 

 

 

«Мутнаевока» пра рэліз:

 

– Пра які пераварот і музычную рэвалюцыю можна казаць у нашы дні, калі ўсе стылі адкрыты і гукавыя эксперыменты і вычварэнствы не ведаюць межаў. Бадай што, у такі час настае момант, калі варта ўзгадаць, што табою кіравала, калі ты пісаў першую песню і марыў быць пачутым з лепшых намераў. Як з'явіліся першыя слухачы, якія палюбілі цябе за непадробную шчырасць і смелы падыход. Наступае момант, калі трэба ўзгадаць, што харошая песня – гэта спачатку тая, якая запамінаецца сваім матывам і кранае за душу.

Наш трэці альбом – гэта супольнасць песень, напісаных на адным дыханні, хаця і ў розныя перыяды. Агульная назва «Метро» – гэта метафара чалавечых душаў. Як самае патаемнае і глыбокае, не навідавоку, але са сваёй сістэмай руху, багатае на тунэлі цёмнай невядомасці і са сваімі светлымі прыпынкамі. Дзе ўсе мы суседзі і незнаёмцы адначасова. Дзе ніхто з нас не ведае, як выглядае месца, куды ад'язджае цягнік пасля заканчэння руху, але мы дакладна ведаем, што гэтае месца існуе.

Песні маюць у асноўным характар асабістых перажыванняў аўтара, аднак гэтыя пачуцці знаёмыя кожнаму, хто шукаў, знаходзіў, расчароўваўся, марыў, кахаў, правяраў рэальнасць на наяўнасць рэальнасці і мужна выносіў удары лёсу.

Для большай канкрэтыкі, каб удакладніць, у якім стылі выкананы матэрыял, можна сказаць, што гэта гранж. Хаця гэта не зусім так, і меламаны адчуюць, што тут сплецены шэраг стыляў. Але гэты тэрмін (а галоўнае – жыццё ў адпаведным стылі) больш падыходзіць для вызначэння, чым неабдымнае паняцце «альтэрнатыва».

Запіс альбома даўся не так лёгка, як падавалася на пачатку. Асабліва цяжкая задача паўстала падчас спеўнай працы, калі спатрэбілася надаць матэрыялу неабходную цэласць, індывідуальнасць і характар. Каб збольшага прымітыўныя аўтарскія песні гучалі прафесійна і раскрылі свой патэнцыял. Дзеля гэтага ў якасці саўндпрадзюсара выступіў гукарэжысёр Юрась Купрэвіч, якому адводзіцца асобнае месца ў грунтоўнай працы над плыткай.

Мы ўдзячныя ўсім, хто на працягу ўсяго часу дапамагаў нам у стварэнні альбома: нашым сем'ям, мамам, раёнам, у якіх мы выраслі, слухачам, адданым прыхільнікам; асабістая падзяка Юрасю Купрэвічу, Міры Маркевіч, Косцю Пыжову, Глебу Лабадзенку, кампаніі «МаеСэнс».

Большую частку грошай на альбом музыкі сабралі праз краўдфандынг на «МаеСэнс». Людзі выстаўлялі «сустрэчы» ў падтрымку рэліза, а нейкі хлопец нават выдаткаваў 1000 BYN за «келіх віна ва ўтульным месцы» з дырэктаркай гурта Мірай Маркевіч, але так і не прызначыў месца і час. Ашалелі ўсе, нават дырэктар «МаеСэнс»!

 

Лайв-прэзентацыя альбома запланаваная ў траўні. Сачы за абвесткамі!

 

  «Мутнаевока» ў сеціве:

VK   Facebook   Soundcloud   Spotify   «Yandex Музыка»   Apple Music

Вокладка – Ягор Бабій і Марына Пятрова

DOWNLOAD 67 МБ

КАМЕНТАРЫ (0)

Каментаваць


Новые альбомы: Black Rebel Motorcycle Club, Camila Cabello и Børns

Новые альбомы: Black Rebel Motorcycle Club, Camila Cabello и Børns

12 свежих пластинок этой недели. Осторожно: много гитарного рока!

34 Mixes #9: Logika Ritma

34 Mixes #9: Logika Ritma

Паўтары гадзіны немэйнстрымнага тэхна ад вядомых музычных падкасцераў.

Пра што марыць хваля: інтэрв’ю з Dlina Volny (BY, RU & EN versions)

Пра што марыць хваля: інтэрв’ю з Dlina Volny (BY, RU & EN versions)

Гутарым з маладым постпанк-гуртом пра натхненне alt-J’ем, незвычайны голас вакалісткі і новы альбом, які выйдзе ўвесну.

Музыкальные тренды 2018 года

Музыкальные тренды 2018 года

Кого мы будем слушать в этом году и что изменится в музыкальной индустрии – гадаем на бараньей лопатке.

Европейские туры музыкантов (обновлено)

Европейские туры музыкантов (обновлено)

Где и каких артистов ловить с концертом ближайшие полгода.

Главные музыкальные новости начала января

Главные музыкальные новости начала января

Новые клипы Бакея и Jay-Z, скандал со Spotify и рыцарь Ринго Старр – что мы пропустили в первую неделю нового года.

Как записать трек с Awlnight

Как записать трек с Awlnight

Пошагово рассказываем, как беларусский кассетный битмейкер делает хип-хоп эдиты из буги и фанка 80-х.

Навагоднія міксы 2018

Навагоднія міксы 2018

Неўміручая штогадовая рубрыка 34mag зноў on air!

Музыкальные итоги 2017 года в Беларуси

Музыкальные итоги 2017 года в Беларуси

Вездесущий рэп с его баттлами, новые герои на сцене, популярность стриминга и другие музыкальные засечки 2017-го.