Прэзентацыя сінгла: Разбітае Сэрца Пацана – Смузі-мафіны
Беларускі гурт «Разбітае Сэрца Пацана», напэўна, прапісаўся ў генетычным кодзе кожнага (свядомага) саацечэственніка. Сёння ён дадае новую храмасому да твайго бэкграўнду. Сустракай «Смузі-мафіны» і памятай, што за кожнай прыгожай гісторыяй стаіць чалавечая драма.
«Разбітае Сэрца Пацана» пра сінгл:
– Песня «Смузі-мафіны» была напісана ў начной сталоўцы дзесьці на трасе, калі мы вярталіся з нейкіх гастроляў. Запляснелы хлеб наводзіў на думкі пра звыклую ежу, а патрэсканая кафля – пра каханне. Дажджлівая лістападаўская ноч абуджала ўспаміны пра лета.
Зараз «РСП» рыхтуюць новы альбом, які плануюць прадставіць шырокай публіцы восенню, а пакуль уключай нятленкі гэтых гітарных кабальера – і наперад у лета!
«РСП» у сеціве:
Фота – Таня Капітонава
КАМЕНТАРЫ (1)
милашная песенка