1190 0 76

Cordyceps

Сёння на «Першаку» выходзіць дэбютны альбом менскага рок-гурта The Glitchhh . Гітары, якія распавядаюць гісторыі, ударныя, што крышаць усе сумневы, і запрошаныя вакалісты, якія пазначаюць контуры, – слухай паліморфны лонгплэй інструментальных майстроў. Ідэальны саўндтрэк для ўнутранага дыялогу.

 

The Glitchhh пра рэліз:

– Наш дэбютны альбом – гэта свайго роду квінтэсенцыя творчага шляху гурта на дадзены момант. На ім частка кампазіцый запісана яшчэ задоўга да з’яўлення групы (напрыклад, Hollow была створана гітарыстам і заснавальнікам яшчэ ў 2008 годзе), частка з’явілася наўпрост на студыі ў момант запісу (R.I.C.O.). У альбоме нам хацелася захаваць асноўную ідэю нашага гучання: граць танцавальную і электронную музыку пры дапамозе выключна жывых інструментаў.

Таксама мы дадалі на наш альбом некалькі вакалістаў, трубу і GameBoy. Наконт апошняга былі сумневы, бо 8-бітны гук – ужо не зусім жывы інструмент, але тое, як Жэня (вакаліст гурта That’s My Kingdom ) стварае гэтыя партыі, не пакінула нам выбару: «Крута, пакідаем!»

 

 

 

 

Асобную падзяку гурт выказвае гукарэжысёру студыі FORZ Дзіму Галодку, які не толькі дапамагаў аформіць агульнае гучанне альбома, але і даваў карысныя парады падчас яго стварэння.

Заўтра, 23 сакавіка, музыкі граюць у «Планетарыі», а на наступным тыдні, 30-га, у бары «Брюгге » адбудзецца вялікая прэзентацыя альбома з крутым візуальным шоу, свежанькім мерчам ад гурта і шматлікай колькасцю фітуль. Сярод заяўленых: вакаліст Plumbum і NABR Воўка Плюмбум , вакаліст Zolki Band f.s.t., вакаліст That's My Kingdom Яўген Мінус, Harmonix College і вакаліст Tok Rukoo Вадзім Хейфец. Раім не прапусціць!


The Glitchhh у сеціве:

VK     Facebook    Soundcloud

 

Downloads:
76
  • 2017-03-22
  • 1190
  • 0

ПАДЗЯЛІЦЦА З СЯБРАМІ

КАМЕНТАРЫ
СПАЧАТКУ СТАРЫЯ СПАЧАТКУ НОВЫЯ

Пакуль няма ніводнага каментара

КАМЕНТАВАЦЬ

Неадэкватныя па меркаванні рэдакцыі каментары могуць быць выдаленыя.

E-mail: 34editors@gmail.com | Пры выкарыстанні матэрыялаў 34mag.net актыўная спасылка абавязковая!