Партал TuzinFM і фонд «Вяртанне» абвясцілі конкурс «Заспявай». У пятым сезоне маладым музыкам прапануюць зрабіць верш песняю, запісаць сінгл, адыграць сольны канцэрт і атрымаць 1500 BYN.

 

Умовы конкурсу:

  Змагацца за прыз могуць выканаўцы ад 16 да 30 год. Калі гэта гурт, то азначаны цэнз распаўсюджваецца на кожнага з удзельнікаў.

  Канкурсантам трэба пакласці на музыку вершы лаўрэатаў і пераможцаў літаратурнай прэміі «Дэбют» імя Максіма Багдановіча. Выбіраць матэрыял прапануюць тут.

 

«Кнігі, адзначаныя на прэміі “Дэбют” – гэта паэзія нашых дзён, напісаная тут і цяпер, акурат яна можа быць асабліва сугучнай з музыкай нашых дзён. Таму мы і прапануем маладым творцам звяртацца да яе», – кажа прадзюсер конкурсу Сяргей Будкін.

 

Этапы конкурсу:

1. Прыём заявак. Дэдлайн: да 21 кастрычніка ўключна. Падавацца трэба па спасылцы.

2. Адбор паўфіналістаў. Дасланыя кампазіцыі будзе ацэньваць журы з сяброў аргкамітэту конкурсу і запрошаных музыкальных экспертаў.

3. Адукацыйная сесія для паўфіналістаў.

4. Жывое праслухоўванне і адбор трох фіналістаў.

5. Запіс трэкаў у студыі.

6. Жывой выступ пры падтрымцы вядомых выканаўцаў.

7. Абвяшчэнне вынікаў і ўзнагароджанне. Пераможца атрымае грашовы прыз памерам 1500 беларускіх рублёў.

 

Натхняйся прыкладамі:

 

І глядзі, хто руліў на «Заспявай» у мінулыя разы: