У альбом увайшлі шэсць трэкаў. Адкрывае яго беларускамоўны «Ліст», які ўжо атрымаў відэаўвасабленне.

  Альбом можна паслухаць на ўсіх папулярных стрымінгах.

Прэзентацыя «В конце всё будет хорошо» адбудзецца 17 траўня ў Modul Art Platform. Стандартны квіток – 40 рублёў.

Passive Voice згуртаваліся ў Кобрыне, пачыналі як кавер-бэнд на школьных канцэртах. Потым артысты пачалі выпускаць разнамасныя ўласныя трэкі і дасюль знаходзяцца ў пошуках уласнага стылю. Адначасова калектыў надае шмат увагі візуальнаму складніку творчасці і не ў апошнюю чаргу дзякуючы гэтаму збірае вакол сябе цёплую, зацікаўленую аўдыторыю.