Сёння выходзіць зборнік электроннай музыкі Touched 3 на брытанскім лэйбле Touched Music. Цікава, што сярод такіх мэтраў эксперыментальнай электронікі, як Future Sound Of London, Autechre, Plaid, Amon Tobin і іншых, можна знайсці і беларускіх выканаўцаў Mustelide і That Sky & Noise Beat. Мы пагутарылі з брытанскім і беларускім бакамі, каб даведацца, як такое стала магчымым.
Touched Music – брытанскі лэйбл, запушчаны ўэльскім электроншчыкам Марцінам Болтанам у 2013 годзе пасля таго, як ягонай маці паставілі дыягназ «рак». Медсёстры з буйнейшай дабрачыннай арганізацыі Macmillan Cancer Support настолькі рупліва клапаціліся пра яе, што музыка вырашыў неяк падзякаваць фонду. «Аднойчы да мяне прыйшла ідэя запытаць у сваіх сяброў з розных лэйблаў, музыкантаў і мастакоў, каб яны даслалі свае працы, якія мы аб’яднаем у кампіляцыю. Выручаныя сродкі ад продажу пойдуць у фонд Макмілана, – кажа Марцін. – Многім ідэя спадабалася. Я думаў, нават калі мы назбіраем £ 500, будзе цудоўна». Зараз на рахунку лэйбла – амаль £ 40 000.
На першым зборніку ў Марціна атрымалася сабраць болей за 120 музыкантаў, сярод якіх былі зоркі электроннага олдскулу The Future Sound Of London, 808 State і Arovane. З пэўнага моманту артысты пачалі нават самі пісаць Марціну з прапановай паўдзельнічаць у праекце. Сёння выходзіць ужо трэцяя кампіляцыя, як яе ахрысціў прадзюсар – «мегакампіляцыя», з болей чым 400 музыкантамі ў трэклісце. Акрамя вядомых па ўсім свеце Richard H. Kirk, Plaid, Luke Vibert, Kid Koala, Funki Porcini, Amon Tobin, Autechre, можна на ёй знайсці і беларускіх выканаўцаў Mustelide і That Sky. Як яны туды трапілі?
«Кіраўнік лэйбла Ezhevika [Канстанцін Кур’янаў – 34mag] напісаў, што для майго новага рэліза ў яго ёсць шмат цікавых трэкаў. Так і выйшла. Мне спадабалася ўся музыка, якую ён мне даслаў, – і цяпер яна частка Touched 3», – тлумачыць Марцін.
«Аб існаванні лэйбла Touched я даведаўся каля года таму дзякуючы папярэдняму выпуску, – распавядае Косця. – Тады мяне рэліз моцна ўразіў, перш за ўсё як меламана: 255 адборных трэкаў ад мацёрых прадзюсараў, сярод якіх нямала зорак жанру. Хтосьці нядаўна нават пажартаваў: “Як, ужо выходзіць Touched 3?! Але я яшчэ Touched 2 не даслухаў!”»
Трэкі Mustelide і That Sky & Noise Beats падбіраліся адпаведна стылістыцы лэйбла – IDM, ambient, trip-hop. У Беларусі іх можна было пачуць раней, але для астатняга свету гэта ўсё роўна прэм’ера. «Нарэшце, псіхалагічная “жалезная заслона” разбураецца, лэйблу ўдаецца знаходзіць новыя кантакты, на нас звяртаюць увагу слухачы, выданні і буйныя радыёстанцыі па ўсім свеце», – дзеліцца аптымістычнымі поглядамі Дзмітрый Літвіновіч, бос лэйбла. Акрамя беларусаў, на кампіляцыі адзначыліся і іншыя падпісанты лэйбла: BAIKAL, Thorn1, antrru, A Ch. Хлопцы гавораць, што ўжо ёсць планы па супрацоўніцтве Ezhevika і Touched Music, але дэталі пакуль раскрываць не будуць.
«Я ўяўляю, быццам мы некалькі гадоў скакалі на батуце, спрабуючы зазірнуць за высокую і непрыступную цагляную сцяну, а цяпер ці то сцяна пачала бурыцца, ці то мы сталі мацней скакаць. Ці тое і другое адразу. Прынамсі стала выразна відаць, што нас там чакаюць і без нас дзеянне не пачнецца», – падагульняе Косця.
Аляксандр Галузій, That Sky: «Удзел у праекце Touched – гэта добрая магчымасць заявіць пра сябе. Думаю што дабрачыннасць разам з музыкай – гэта выдатны калаб, варыянт прасоўвання, які трэба выкарыстоўваць і папулярным музыкам, і пачаткоўцам як мага часцей».
Купіць кампіляцыю можна на bandcamp’е праекту за 15 фунтаў. Усе грошы пойдуць у фонд падтрымкі хворых на рак Macmillan Cancer Support.
Пра сэкс-адукацыю, прафарыентацыю, ментальнае здароўе, пластык і арт.
Weekend-гайд па галоўным віленскім фэсце.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.