У новай серыі відэапраекту E-quality распавядаем, як адной неабыякавай беларусцы надакучыла чуць з’едлівыя каментары наконт жаночага футболу, рэгбі ці каратэ, і яна арганізавала штаб жаночага спорту «Здольная». Ганна Бандарэнка – пра тое, як вызваліць спорт ад кайданоў дыскрымінацыі.
Ганна Бандарэнка – заснавальніца сацыяльна-спартыўнага праекту «Здольная», экспертка ў сферы працы з персаналам. Цікавіцца гендарам, інтэрсекцыянальным фемінізмам, прафесійна займаецца спортам.
«Здольная» – праект-парасон, які арганізацыйна аб’ядноўвае шэраг спартыўных актыўнасцяў – футбол, баскетбол, бадмінтон, рэгбі, ёгу, фітнэс, каратэ і нават рэгетон з лангбордынгам – адной простай ідэяй, што займацца спортам і фізкультурай могуць жанчыны ўсіх узростаў, камплекцыі і сацыяльнага статусу. На адзінай інфапляцоўцы арганізатаркі збіраюць інфу аб групах, да якіх магчыма далучыцца ў пэўным горадзе, а ў афлайне ладзяць адкрытыя бясплатныя заняткі для любой жанчыны, нават без спецыяльнай фізічнай падрыхтоўкі.
– Маё імя Наста Баташова, я студэнтка і выкладчыца аштанга-ёгі. Я шмат падарожнічаю і ўвесь час вучуся нечаму новаму. Самае вялікае натхненне ў практыцы і жыцці мне дала і працягвае даваць мая настаўніца Сарасваці Рангасвамі – першая жанчына, якая скончыла санскрыцкі каледж і першая жанчына, якая пачала выкладаць ёгу і жанчынам, і мужчынам. У свае 75 яна працягвае працаваць са студэнтамі кожны дзень па 8-10 гадзін.
Незалежна ад узросту, камплекцыі і іншых фактараў кожная жанчына на маіх занятках зможа адчуваць сябе камфортна і атрымліваць ад іх максімум карысці і задавальнення. На занятках я імкнуся падзяліцца сваім вопытам і ведамі, каб дапамагчы кожнай з вучаніц знайсці і прайсці свой уласны шлях да разумення і прыняцця сябе.
– Я Таццяна Вайтовіч, інструктарка на занятках па фітнэсе. З ім я ўжо 4 гады, але важнай часткай майго жыцця ён стаў пасля аўтамабільнай аварыі і цяжкай рэабілітацыі. Пастаяннымі практыкаваннямі праз боль, праз «не магу» і слёзы я падняла сябе на ногі і вярнула рухомасць канечнасцяў. Прыкладна тады ж я зразумела, што хачу не толькі займацца сама, але і дапамагаць іншым рабіць сябе мацнейшымі і трывалейшымі.
Я дакладна ведаю, што мы можам больш, чым звыклі думаць. На маіх трэніроўках ты абавязкова пачуеш: «Больш не можаш? Зрабі яшчэ два разы!» і «Не можаш рабіць дынаміку – стой статыку, адпачываць будзем на расцяжцы». Я не «худнею» сваіх кліентак, я раблю іх трывалымі, моцнымі і ўпэўненымі ў сабе.
– Я Таццяна Цімошчанка, цяпер з’яўляюся старшым выкладчыкам педуніверсітэта, маю вышэйшую трэнерскую катэгорыю. Больш за 30 гадоў навучаю дзяўчат гуляць у баскетбол. У юнацтве гуляла за зборную Беларусі і станавілася шматразовай чэмпіёнкай БССР, двойчы заваёўвала чэмпіёнства ў першынстве СССР у складзе зборнай. Баскетбол, як бачна, стаў маім жыццём.
Падтрымаць праект мяне папрасіла дачка. Распавяла пра ідэю і каштоўнасці праекту, пасля роздумаў я пагадзілася. Лічу, што заняткі спортам могуць раскрыць жанчыну, асабліва гульнёвыя віды спорту. На занятках тлумачу ўдзельніцам, што псіхалагічныя праблемы створаны нават не столькі грамадствам, колькі менавіта бясталентнымі настаўнікамі. Жыццё мяне зрабіла моцнай, я прайшла нечалавечыя выпрабаванні, вельмі хочацца, каб зараз дзяўчатам было прасцей.
Баскетбол – камандная гульня, мая любімая гульня, і вельмі хацелася б, каб пасля трэніроўкі ў кожнай, хто вырашыла заняцца спортам, з’явілася ўпэўненасць у сабе і раскрыліся новыя таленты, таму што таленавітая кожная, хто здолела прыйсці на занятак.
Прэм’ера новага відэапраекту E-quality пра гендар і жаночыя правы. У першым выпуску даследуем адзіночныя вандроўкі аўтаспынам.
Як за тыдзень навучыцца граць сапраўдны панк-рок і страціць страх перад выступамі на публіцы? Наш відэарэпартаж з фінальнага канцэрту Women’s Rock Camp.
Апошняе ў 2016-м відэа ў праекце E-quality мы прысвячаем праблеме хатняга гвалту. Кожны агрэсіўны жэст – у нашай mannequin challenge экранізацыі.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.