Калі пад пікніком разумець паяданне загадзя падрыхтаваных страваў на свежым паветры, то займацца гэтым можна ў любым прывабным месцы, нават у парку Янкі Купалы і Цэнтральным парку імя Горкага. Самыя шырокія магчымасці, як то: альтанкі, месцы для вогнішча, пляцоўкі для спартовых гульняў, прыбіральні, паркінгі, – прапаноўваюць зялёныя зоны каля вадасховішчаў Дразды, Цнянка, Вяча, Заслаўскае, Дуброўскае, набярэжнай Пцічы. Поўны спіс месцаў для культурнага адпачынку можна паглядзець на онлайн-мапе.
Пастарайся выконваць шэраг правілаў – і ніхто не зможа цябе прагнаць. Не пакідай пасля сябе смецця. Пры магчымасці захоўвай цвярозасць: зоны адпачынку – гэта грамадскія прасторы, на якія распаўсюджваецца дзеянне закону пра распіццё алкагольных і слабаалкагольных напояў. Не купайся і не распальвай вогнішча ў забароненых месцах. Ты можаш пазнаць іх паводле адмысловых забараняльных знакаў або прабіць загадзя на вышэй згаданай мапе.
Калі забараняльных знакаў няма, смела разводзь вогнішча, у тым ліку выкарыстоўваючы мангал, барбекю, грыль ці газавую пліту, але ўпэўніся, што ты выконваеш усе правілы пажарнай бяспекі. Адлегласць мусіць быць не меншая за 15 м ад будынкаў і не меншая за 25 м ад ляснога масіву. Ні ў якім разе не запальвай агню пад дрэвам! Не забудзь абкласці глебу вакол вогнішча камянямі ці пяском.
На шчасце, «Менская лесапаркавая гаспадарка» клапоціцца пра гараджанаў і кожны сезон абсталёўвае чатыры вадасховішчы альтанкамі ды мангаламі. У гэтых месцах можна спакойна смажыць шашлык.
За развядзенне вогнішча ў забароненых месцах табе пагражае штраф да 12 базавых велічыняў, за парушэнне правілаў пажарнай бяспекі – да 25 базавых. Адная «базавая» цяпер – 25,5 BYN.
Добрае пытанне. У прынцыпе, ніякіх забаронаў на колькасць удзельнікаў пікніка ў беларускім заканадаўстве няма. Мерапрыемства лічыцца масавым і рэгулюецца адпаведнымі правіламі арганізацыі ды правядзення, калі ў яго ёсць арганізатар, пэўная мэта, калі інфармацыя пра мерапрыемства распаўсюджвалася публічна, а ўдзельнікі збіраюцца для выказвання і абмеркавання сваіх палітычных поглядаў. Нават самы вялікі пікнік досыць складана аднесці да масавага мерапрыемства. Але, як вядома, трактуюцца гэтыя фармулёўкі самым шырокім чынам, з прычыны чаго пацярпелі ўжо не адныя велапакатушкі. Таму лепш за ўсё не збірай сяброў на пікнік у фэйсбуку (як мінімум – рабі гэта праз «сакрэтныя» групы ці падзеі), а на месцы не парушай «грамадскага парадку» і пастарайся не выклікаць падазрэнняў міліцыі сваймі задзірлівымі паводзінамі. Ну і памятай пра суседскі X-фактар – калі ты гучна тусіш каля чыйгосьці лецішча, не здзіўляйся, калі на цябе натравяць ахонікаў парадку.
Дзякуем за дапамогу ў падрыхтоўцы матэрыялу кіраўніку службы ўтрымання гарадскіх лясоў, пляжаў і МКАД унітарнага прадпрыемства «Менская лесапаркавая гаспадарка» Аляксандру Прамінскаму.
Ілюстрацыя by Sheeborshee
Дзе шукаць, як працаваць у архіве і хто можа зрабіць гэта замест цябе – кароткая інструкцыя па аднаўленні ўласнай гісторыі.
Важная памятка на выпадак, калі раптам табе давядзецца афіцыйна пагутарыць са следчым.
Разбіраемся, куды і як уладкавацца на працу, калі ў цябе ёсць судзімасць.
Тэхніка, алкаголь, лекі, прадукты – высвятляем, якія рэчы і як часта можна вазіць праз мяжу Беларусі.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.
COMMENTS (1)
Дзякуй за парады, 34 маг! Эхехей!