Сёння ў падборцы – кліпы, якія бліжэй па духу еўрапейскаму кіно, чым музычнай індустрыі. У троххвілінным адрэзку часу яны звычайна месцяць сюжэт і гісторыю, якую можна было разгарнуць на поўнаметражны фільм. Знятыя гэтыя працы без асаблівай графікі і спецэфектаў, але карцінка ў іх жывая і сакавітая, а ў прыярытэце стваральнікаў – складаная колеракарэкцыя і прыгожыя планы. А выбраныя акторы – наогул асобная песня! Не бойся чытаць апісанні – у нас амаль атрымалася абысціся без спойлераў.
AudioOpera – Forever
Утапічная 2-хвілінная казка пра нейкую цудадзейную працэдуру пад назвай «Forever». І музыка ад канадскага артыста AudioOpera трапляе настолькі ў тэму, што хочацца трохі папакутваць ад роспачы. І здабыць у канцы сяброў і спакой.
Pup – Sleep in the Heat
Для 14-гадовага Фіна Вульфарда, паўнавартаснай зоркі серыяла Stranger Things, кліп Sleep in the Heat – гэта працяг сагі з канадскімі панкамі Pup. Многія медыя вызначылі гэты кліп як працу года. У 3:40 часу закладзена гісторыя зусім маладых хлопцаў: пра сяброўства, панк-рок і самаахвяраванне. Работа прысвечана памерламу гадаванцу саліста гурта – хамелеону.
Beyond the Wizards Sleeve – Black Crow
Дзіўная і жорсткая гісторыя пра канкурэнцыю дзвюх юных тэнісістак. У якой, як і ў любой казцы, пакутуе непакорлівы бок.
Cold Specks – Neuroplasticity
Кранальны міні-фільм пра пошукі зніклай дзяўчыны пад ашаламляльную музыку. Проста-такі хайлі рэкамендэд да прагляду.
Getter ft. Oliver Tree – Forget It
А вось і хорар-гісторыя пра тое, што не ўсё можна паправіць і прывесці зноў да ладу. Але можна, вядома, паспрабаваць...
Yeah Yeah Yeahs – Sacrilege
Гэты кліп – быццам маленькае кіно, якое мы ўсе так любім. Саспенс трымае да апошняй секунды. Прыемная пратаганістка Лілі Коўл, шмат прыгожых пікантных сцэн і сюжэт, які развіваецца задам наперад. Усё тут добра.
Massive Attack – Live With Me
Yung Lean – Miami Ultras
Складана зразумець, што менавіта адбываецца ў кадры ў сэдбоя Yung Lean. Атмасфера восеньскай дэпрэсіўнай беларускай глыбінкі (так-так, як жа лішні раз не згадаць, што шведскі самародак быў народжаны ў Беларусі) і начнога кашмару.
Rhye – The Fall
Сумная і вельмі прыгожая гісторыя мужчыны, які адмаўляецца пагаджацца з узростам.
Blood Orange – I'm Sorry We Lied
Нягледзячы на тое, што Blood Orange (ён жа – Dev Hynes) за 4 гады выпусціў шмат іншых выдатных кліпаў, на званне самага кінематаграфічнага падыходзіць гэтая вераломная гісторыя пра наіўнасць чарнаскурага мотагоншчыка.
9 парадаў ад знакамітых артыстаў, як зняць кліп ледзь не з нулявым бюджэтам.
Што яшчэ, акрамя Gorillaz? Збіраем спіс кліпаў з анімацыяй, якія страсянуць твой папярэдні візуальны экспірыенс.
Падборка кліпаў, якія здзіўляюць, раздражняюць, смешаць або ад якіх проста зносіць дах.
Выбралі 5 беларускіх віджэяў, каб на іхным прыкладзе разабрацца, чым займаюцца людзі гэтай прафесіі.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.