Мы шчыра жадаем табе шчасця, здароўя і грошай пабольш. Для выканання першага пажадання мы робім 34mag, з другім нам дапамагаюць брацюні з 34travel, а для трэцяга мы стварылі рубрыку «Вакансіі», каб ты не заседжваў(ла)ся ў гультаях. Першы выпуск тут, другі тут. Працягваем!
Адміністрацыйны асістэнт праектаў. «Экопартнерство»
Грамадскае аб’яднанне «Экопартнерство» займаецца калабарацыяй работы дзяржаўных і недзяржаўных структур і садзейнічае вырашэнню экалагічных праблем. Экаактывісты ладзяць мноства семінараў, навучальных праграм, канферэнцый і конкурсаў. Тут, дарэчы, можаш паглядзець справаздачу за 2015 год.
Асноўныя патрабаванні да адміністрацыйнага асістэнта праектаў:
вышэйшая адукацыя ў галіне аховы навакольнага асяроддзя, эканомікі, бізнэс-адміністравання, замежных моў або іншых сумежных сацыяльных навук;
вопыт працы ад 2 гадоў;
добрыя арганізацыйныя навыкі, здольнасць уважліва працаваць з дакументамі;
магчымасць выезду ў камандзіроўкі.
Лакацыя: Менск.
Кантакты: Сайт | FB | Пошта office@ecopartnerstvo.by
Ведаеш ці не, але relax.by – адзін з праектаў магутнага рэкламнага агенцтва Artox. Акрамя гэтага сайта, кампанія стварыла dom.by і 103.by – нядрэнны размах, праўда? І вось цяпер ёсць chill-вакансія для relax: выдаленая праца капірайтарам. Пажадана знаходзіцца ў Менску, працаваць 6-8 гадзін у дзень: пісаць унікальныя тэксты, аптымізаваць тэксты пад стандарты seo, рабіць рэрайт тэкстаў на персанальныя старонкі кліентаў.
Асноўныя патрабаванні да журналіста-капірайтара:
досвед працы журналістам/капірайтарам/рэрайтарам ад аднаго года;
вопыт напісання рэкламных тэкстаў;
самастойнасць, скрупулёзнасць, уважлівасць.
Лакацыя: Менск, выдаленая праца.
Кантакты: Сайт | Пошта info@artox.com | FB | VK
Adukacyja.info – гэта такі бяздонны куфар з магчымасцямі. На гэтым сайце можна і стажыроўку сабе знайсці, і ў трэнінгу паўдзельнічаць, і стыпендыю выйграць. Каб стаць адным з гэтых чараўнікоў, якія дапамагаюць крута змяніць жыццё, дастаткова напісаць у рэдакцыю. Цяпер шукаюць аўтараў для розных рубрык – і ўсе захапляльныя.
Асноўныя патрабаванні да журналіста:
вядзенне справаводства;
любоў да напісання тэкстаў;
уменне знаходзіць нечаканыя тэмы.
Лакацыя: Менск.
Кантакты: Пошта adukacyja@gmail.com (спытаць Любоў) | Сайт | FB | Twitter | Сайт
Рэдактар аддзела, рэкламны рэдактар. Tut.by
Тут вядуцца пошукі двух спецыялістаў: дасведчанага і крэатыўнага рэдактара-журналіста для працы над аўтамабільным аддзелам партала і мацёрага рэкламшчыка. Усюды патрабуецца досвед працы ад двух гадоў. Наўзамен – афіцыйнае працаўладкаванне, сацпакет, панарамны від на горад. І, вядома, трохі пафасу і гонару ад усведамлення сваёй значнасці.
Асноўныя патрабаванні да рэдактара аддзела:
досвед працы рэдактарам ад двух гадоў (cфера не мае значэння);
добрая пісьмовая і вусная мовы;
базавыя веды і цікавасць да аўтамабіляў і жыцця аўтааматараў;
любоў да прыгожых тэкстаў і разуменне чытацкіх упадабанняў.
Асноўныя патрабаванні да рэкламнага рэдактара:
істотны вопыт журналісцкай працы;
неаднаразовы вопыт хуткай генерацыі ідэй і іх увасаблення;
досвед працы ў камерцыйнай структуры або рэкламным агенцтве і навыкі разумення бізнэс-задач і перспектыў;
вопыт праектнага менеджменту;
любоў да прыгожых тэкстаў і разуменне чытацкіх упадабанняў.
Лакацыя: Менск.
Кантакты: Сайт | FB | VK | Twitter | Пошта nn@tutby.com
FrontEnd-распрацоўшчык, бізнэс-аналітык, тэставальнік. Onliner.by
Па спасылцы выразна і па справе напісана, чаму айцішнікам будзе крута працаваць у Onliner. Вось пара прыкладаў: «Мы робім толькі адзін праект – сайт Onliner.by. Ніякіх заакіянскіх кліентаў. Ніякіх вар’яцкіх проджэкт-менеджараў з боку заказчыкаў і працы па гадзінным поясе Каліфорніі». Яшчэ адна замануха: «Кіраўніцтва, якое не мае дачынення да IT, не ўмешваецца ў паўсядзённую працу аддзела». І яшчэ адзін плюс: «Праца IT-аддзела адбываецца ў рамках загадзя зацверджанай стратэгіі. Ніякіх “а-а- а, тэрмінова, неадкладна, гэта трэба было яшчэ ўчора”, ніякіх сутаргавых кіданняў, ніякіх зменаў патрабаванняў за тыдзень да здачы праекту». Ну хіба не прывабна?
Асноўныя патрабаванні да FrontEnd-распрацоўшчыка:
выдатнае веданне JavaScript ES5, HTML5, CSS3;
досвед працы з адным з JS MV* фрэймворкаў (Backbone, Knockout, Angular, Ember);
досвед працы з мабільнымі браўзерамі;
Git.
Асноўныя патрабаванні да бізнэс-аналітыка:
вопыт у бізнэс-аналізе не менш 3 гадоў;
вопыт у вэб-распрацоўцы;
веданне і вопыт работы па Agile-метадалогіі.
Асноўныя патрабаванні да тэставальніка:
вопыт у тэставанні WEB-дадаткаў ад 2 гадоў;
вопыт распрацоўкі тэставай дакументацыі, напісанне тэст-кейсаў, чэк-лістоў;
веданне і разуменне тэорыі гнуткіх метадалогій распрацоўкі ПЗ;
валоданне Git і MySQL на базавым узроўні;
вопыт тэставання API-сэрвісаў;
веданне аб’ектна-арыентаванай мовы праграмавання (пераважна PHP, Java).
Лакацыя: Менск.
Кантакты: Сайт | FB | VK | Twitter | Пошта info@onliner.by
Project Manager. Sam Solutions
Sam Solutions – кампанія, якая стала першым месцам працы для многіх праграмістаў. Тут выдатна развітая сацыялка: ёсць магчымасць вывучаць замежныя мовы, хадзіць у трэнажорную залу, атрымліваць бясплатную медыцынскую страхоўку для сябе і льготную – для чальцоў сваёй сям’і. Цяпер шукаюць дасведчанага проджэкт-менеджара з тэхнічнай адукацыяй і такім жа складам розуму. Яго/яе чакаюць камандзіроўкі, прафесійнае навучанне, гнуткі працоўны графік і бадзёры калектыў.
Асноўныя патрабаванні да Project Manager:
пацверджаны камерцыйны вопыт працы аналітыкам у IT сферы ад 2-х гадоў;
вышэйшая адукацыя;
веданне метадалогіі распрацоўкі праграмных прадуктаў і розных спосабаў апісання патрабаванняў (Use Cases, UML дыяграмы, User Stories і г.д.);
англійская мова на ўзроўні не менш як Intermediate;
абавязкова веданне прадметнай вобласці (e-commerce B2B, B2C).
Лакацыя: Менск.
Guest Service Agent. Hampton by Hilton
Сусветна вядомая сетка гатэляў Hampton by Hilton шукае Guest Service Agent, як напісана ў вакансіі. Відавочна, што без ведання англійскай мовы ўладкавацца не атрымаецца, якімі б іншымі якасцямі ты ні валодаў(ла). Таксама абавязковыя пісьменнае маўленне, ветлівасць, тактоўнасць і ўменне браць на сябе адказнасць. Новы гатэль знаходзіцца зусім побач з вакзалам – на вуліцы Талстога.
Асноўныя патрабаванні да Guest Service Agent і яго/яе абавязкі:
вышэйшая адукацыя;
досвед працы ў гасцінічным бізнэсе ад 2-х гадоў;
праца з праграмай Opera і Micros;
прыём, рэгістрацыя і размяшчэнне гасцей;
дапамога аддзелу рэстараннага абслугоўвання.
Лакацыя: Менск.
Кантакты: Сайт | FB | VK | Тэлефон +375 (17) 215-40-00
Інтэрн будзе займацца наладжваннем камунікацый брытанскай амбасады, падрыхтоўкай кантэнту для анлайн-кампаній, пошукам неабходнай інфармацыі, перакладамі, выкананнем адміністрацыйных функцый. Праца аплачвальная, але часовая – з 1 жніўня па 30 верасня.
Дэдлайн падачы CV – 10 ліпеня.
Асноўныя патрабаванні да інтэрна:
выдатнае валоданне вуснай і пісьмовай ангельскай, рускай, беларускай мовамі;
высокі ўзровень валодання камп’ютарнымі тэхналогіямі і SMM (Excel, Word, Facebook, графічныя праграмы);
актыўнасць, дынамічнасць, адказнасць, матывацыя, здольнасць працаваць у камандзе і самастойна;
перавагай з’яўляецца досвед працы ў сферы медыя або PR.
Лакацыя: Менск.
Кантакты: FB | Пошта ukin.belarus@fconet.fco.gov.uk
І напрыканцы – сталёвая разыначка на салодкім торце модных вакансій. Ren Service, які прадстаўляе беларусам работу па ўсіх будаўнічых спецыяльнасцях у іншых краінах, шукае зваршчыка ў Літву. Кваліфікаваны рабацяга будзе заняты ў сферы суднабудавання ў Клайпедзе і мець афіцыйнае працаўладкаванне па працоўным кодэксе Літоўскай Рэспублікі. Пераезд, пражыванне ў кватэры ці інтэрнаце, пасцельная бялізна, інтэрнэт, мабільная сувязь, спецвопратка, інструменты – за кошт працадаўцы. Абяцаюць высокую зарплату ў еўра.
Асноўныя патрабаванні да зваршчыка:
досвед працы на прадпрыемствах суднабудавання;
навыкі зваркі паводле адной з пералічаных зварачных працэдур: MAG 135 (дугавая зварка ў актыўным газе электродам) або MAG 136 (дугавая зварка ў актыўным газе парашковым дротам);
графік працы з панядзелка па суботу 7:00 да 18:00.
Лакацыя: Клайпеда.
Кантакты: Тэлефон +37529307-66- 36
Пашыраем геаграфію і спектр кар’ерных магчымасцяў: 14 актуальных вакансій у 4-х краінах – ад працы ў планетарыі і хоспісе да краўд-платформы і завода вінаградных він.
8 працадаўцаў, 13 вакансій і нават сакрэтны бонус – усё самае лепшае для вас, дарагія кар'ерысты і беспрацоўныя чытачы.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.
COMMENTS (1)
дзякуй за рубрыку