Працягваем нашую сумесную гісторыю з тэкстыльнымі красаўчыкамі менскага стылю – брэндам вулічнай вопраткі LSTR. Тры новыя шмоткі: цішотка, сўітшот і худзі – тры новыя (адзін стары) лозунгі. Чэкай наш лукбук, па астатняе – гоў у LSTR!
Першую калабарацыю з LSTR мы замуцілі роўна год таму – у лістападзе 2015-га. Тады мы выпусцілі цішоткі «Калі я п'яны – я культавы», сўітшоты «Minsk not dead» і худзі «ПаКрысе». Як і чакалася, калекцыю размялі, у Мобі валасы не паспелі адрасці, а мы яшчэ доўга атрымлівалі ў асабістыя паведамленні заклапочаныя: «Ну чо? Калі яшчэ?»
Нарэшце піражкі падаспелі. Тры новыя шмоткі: цішотка, сўітшот і худзі – тры новыя (адзін стары) лозунгі. Мы працягваем наш дзёрзкі, манахромны raw-стыль. Як і раней, перадусім мы натхняемся горадам, яго шурпатасцю і незавершанасцю вобразаў – тым, што нараджае нерафінаваныя сэнсы вулічнай культуры.
Minsk city of heroes – наш даўні амбразурны лозунг. Мы лічым, што Менск папросту кішыць людзьмі-скарбонкамі, людзьмі-героямі. І варта толькі трохі ўгледзецца ў твар чалавека насупраць, даведацца пра яго ўчынкі, каб зразумець: усё, што нам патрэбна, мы ўжо маем.
Minsk not dead – лейтматыў нашай дзейнасці, лязо нашых думак. Усё, што мы робім, мы робім у панкавай DIY-эстэтыцы, на першым месцы – экспрэсія творчасці, сястрынства і братэрства. Менск – адначасова і матэрыял, і плацдарм для дзеяў, і напамін: ты і ёсць Менск.
«Спыніся і пачні» – калі цябе задзяўбло наваколле, няма больш сілаў адмахвацца ад стракоз абставін, проста зрабі крок убок, паглядзі на сябе і сітуацыю быццам праз камеру, набяры ў лёгкія паболей свежага паветра – і з поўным усведамленнем адноснасці быцця дай нырца ў самую гушчу кісялю рэальнасці.
Ілля Аксёнаў, заснавальнік брэнда LSTR:
– У эпоху татальных вышыванак, арнаментаў і Пагоні нам было цікава ісці далей: ствараць трэнды, заставацца ў андэграўндзе, рабіць тое, чаго ад нас не чакаюць. Таму урбан-стылістыка, паўнавартасны яркі стрытўэр – нашае наступнае слова.
Дзякуй LSTR за супрацоўніцтва, прыдбаць тавар можна ў краме LSTR (ТЦ «Маскоўска-Венскі»).
Калектыўны мікс ад рэдакцыі 34mag – наш сімвалічны аўдыёпрэзент тым, хто шчыра па нас сумаваў.
Мы вярнуліся! І зараз адкажам табе на пытанні, чаго чакаць ад нас далей.
Наша калекцыя фірмовага адзення ад 34mag – цішоткі і байкі з нашымі культавымі лозунгамі, – зробленая ў калабарацыі з менскім брэндам LSTR.
Как реагировать на чужого тоддлера, который вышел из-под контроля.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.
COMMENTS (9)
Якія ж вы крутыя (і LSTR і 34mag), не магу наглядзецца)
Пафос аж сочится)
Больш за 60 рублеў? Відаць толькі дзеля мажорнай аудыторыі...
Гадзіна ў ілюстратары і новы дызайн гатовы!
постзмагарскі мас-маркет
Рэдактаркi ды iх калежанкi, дзякуй вам за новае слова ў iндустрыi моды - сўiтшот.
Мэйк беларашн сўiт эген!
Вы серьезно? "сўітшот"? у меня аж глаза вытекают.
Што за гвалт над мовай?
Мэйк Беларус cўіт эген, Міша!
Беларус - гэта ж трактар, тым больш вядомы на ўвесь сўет!