FAQ пра беларусаў
- 17.10.2016
- 13195
З кожным годам інтэрнэт прапануе нам усё больш цудоўных магчымасцяў, каб вывучаць сябе. Сацыялагічныя даследаванні праводзіліся і раней, але каб назіраць за іх вынікамі ў рыал тайме – такога яшчэ не памятаем. Праект Generation What быў запушчаны ў Францыі пулам брадкастараў, каб зрабіць партрэт еўрапейскай моладзі. Беларусы таксама мелі шанец дамаляваць да яго ўзнятае брыво ці валасок, які тырчыць з носа: апытанка праводзілася і ў нашай краіне. Што мы з дапамогай анкеты накапалі пра суайчыннікаў – глядзі ў нашым артыкуле.
Generation What – інтэрактыўнае даследаванне грамадскай думкі, запушчанае ў Францыі ў 2013 годзе. Тады на яго пытанні адказала 250 тыс. французаў. Праз поспех вырашана было пашыраць геаграфію – і тады звыш 10 краін і 600 тыс. еўрапейцаў паўдзельнічалі ў праекце. Механізм вельмі просты: ты адказваеш на пытанні, звязаныя з тваімі адносінамі да бацькоў, працы, улады, сябе, сэксу і ка-ка-ка-ка-ка-ка-кахання. Пасля чаго можна адразу паглядзець вынікі, наколькі ты супадаеш у думках з тыповым беларусам ці грэкам. Апытанка ўжо скончылася, але вынікі засталіся. Некалькі дзясяткаў фактаў, якія нас здзівілі. Гартаем!
СВАБОДА
З маленькім адрывам, але большасць беларусаў лічыць, што 20 гадоў – гэта лепшы ўзрост. Гэтак жа лічаць паўднёвыя краіны – Грэцыя, Італія, Румынія, Харватыя – і Літва.
Для абсалютна ўсіх еўрапейскіх краін быць дарослым – гэта не жыць разам з бацькамі. Для беларусаў – у першую чаргу быць сталым і адказным.
Паліцыі мы не давяраем гэтак жа, як і італьянцы, грэкі, славакі, балгары і туркі, а вось рэлігійным арганізацыям не давяраюць паўсюль.
70% беларусаў раздражняе, калі дзяўчатам свішчуць услед на вуліцы. У Францыі, дарэчы, праблема вастрэй – 82% французаў утачылі б за такое.
63% беларусам усё роўна, ці цалуюцца на вуліцы гей-пары. І чым маладзей узрост рэспандэнтаў, тым больш ім усё роўна.
Мы не самотныя ў сцверджанні, што свабоды занадта мала. Так лічаць ад 70 да 90% еўрапейцаў.
Затое беларусы, нават больш чым некаторыя іншыя народы, не маглі б быць шчаслівыя без права голасу.
СЭКС
Большасць беларусаў не могуць быць шчаслівыя без сэксу. Затое расіяне, літоўцы і эстонцы могуць.
Пра адносіны на адну ноч беларусы падзяліліся на два прыкладна роўныя лагеры: «Ні за што!» і «Гэта проста спатканне». Для большасці людзей пасля 34 гадоў гэта магло б стаць пачаткам новых адносін.
24% беларусам падабаецца ідэя заняцца сэксам з чалавекам свайго полу. З іх амаль палова – юнакі 16-17 гадоў.
Палова беларусаў не займалася сэксам з некалькімі людзьмі і не будзе, але 41% падабаецца сама ідэя.
24% беларусаў займаліся сэксам у грамадскіх месцах, і ім гэта падабаецца.
Амаль палова беларусаў устрымлівалася ад сэксу, і ім гэта не спадабалася. Такога высокага паказчыка няма нідзе ў Еўропе.
Мастурбіруем мы як і паўсюль.
Сэкс-цацкамі мы пакуль не карыстаемся, але попыт ёсць, як і ў іспанцаў ды славакаў. Немцы, чэхі, бельгійцы і аўстрыйцы, дарэчы, ужо з імі асвоіліся.
Свінгеры пакуль застаюцца маргіналамі па ўсёй Еўропе. Як і БДСМ-шчыкі. Хоць чвэрці беларусаў падабаецца сама ідэя.
ЗВЫЧКІ
Без тэлевізара могуць быць шчаслівыя практычна ўсе беларусы, а вось без тэлефона ўжо толькі 61%, без інтэрнэту – палова.
У Беларусі вышэй цікавасць да татуіроўкі, чым ва ўсёй Еўропе: амаль палова беларусаў не адмаўляе з'яўленне масці ў будучым.
98% беларусаў не палілі касяк з бацькамі. Але не хвалюйся, 94% галандцаў таксама не палілі.
АДНОСІНЫ
Большасць беларусаў адчувае сябе няўтульна, калі бацькі даюць ім грошы, а вось немцам, аўстрыйцам і галандцам норм.
Беларусы рамантычныя: 81% не былі б шчаслівыя без кахання. І прыстойныя: 71% не знаходзіліся адначасова ў некалькіх любоўных адносінах.
Толькі для 2% беларусаў адносіны – гэта боль.
Палова беларусаў маглі б быць шчаслівыя без дзяцей.
Амаль усе ў Еўропе мараць пра шлюб, для беларусаў гэта – фармальнасць.
ЕЎРОПА
Для 39% беларусаў Еўропа – гэта ўсяго толькі назва кантынента.
Краіны вакол Беларусі – Літва, Польшча, Латвія, Расія – лічаць, што нацыяналізм расце і гэта пазітыўная з'ява.
Больш за ўсё ўсіх еўрапейцаў, у тым ліку нас, хвалюе жыллёвае пытанне і як знайсці працу.
Read more:
Леся Пчолка: «Мы сабралі тысячы здымкаў, якія ніхто раней не бачыў»
Заснавальніца VEHA – пра кнігі з архіўнымі здымкамі беларусаў.
13 лучших треков августа
Лето закончилось – и в финале подарило нам много отличной музыки.
Fleadonia ў Барселоне
34travel наведваецца на самы жывы з сучасных флімаркетаў Барселоны.
Менск усіх святых
Фотасправаздача з хэлоўінскіх тусовак у «Хулігане», «ДК» і «Корпусе 8». Boo!
On main page:
Timeline: How Belarus (Doesn’t) Fight Domestic Violence
A story about (or no) cooperation between government representatives, NGOs and ordinary people that care.
Timeline: How Belarus (Doesn’t) Fight Domestic Violence
A story about (or no) cooperation between government representatives, NGOs and ordinary people that care.
Why are gay people being detained in Azerbaijan?
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
White innocence: fighting racism in the Netherlands
Joris Hanse, Dutch activist from the Doorbraak, speaks about the Netherlands not matching the stereotypes.
COMMENTS (6)
Еўропа - не кантынент, а частка свету.
Цi можа быць пераклад на англiйскую мову?? Дзякую:)
Крутые иллюстрации, спасибо!
Падабайка, калі прачытаў артыкул - ды адразу захацелася прайсці тэст (і прайшоў (-шла)) ;-)
усё гэта, канешне, фан фан фан - бо адказы пра секс і г.д. могуць быць прадыктаваныя не рэальнымі практыкамі, а падтрымкай "самой ідэі" і жаданнем адпавядаць пэўнаму вобразу "прасунутага/прасунутай чалавека".
што сапраўдны важна і страшна, дык гэта, што
"Краіны вакол Беларусі – Літва, Польшча, Латвія, Расія – лічаць, што нацыяналізм расце і гэта пазітыўная з'ява."
Вялікі дзякуй за цікавы артыкул!