З «ДЭПО» на Кастрычніцкай нас звязвае доўгая, плённая гісторыя: няспынныя пчолкі за стойкай ужо колькі месяцаў кормяць усю нашую рэдакцыю. Таму мы не стрымаліся, каб зазірнуць у новы пункт на Зыбіцкай і зацаніць першы блін.
Новая блінная размясцілася ў самым жарале тусовачнага дыстрыкту Менску – у Верхнім горадзе, дзе насычанасць культурных падзей у выходныя перавышае шчыльнасць звычайнага гарадскога свята. На кожным павароце завілістых вуліц можна ўліцца ў нечаканы дзвіж ці махануць у стылі «а давай!» чаго-небудзь моцнага. З хуткім харчаваннем жа тут пакуль было туга: па фаст-фуд хадзілі на Нямігу.
Але ў гэтую пятніцу адчыняе дзверы правераны на працаўніках і тусоўшчыках Кастрычніцкай другі блінны чэк-поінт – «ДЭПО». «Асартымент будзе такі самы, як і ў першай бліннай, – кажа стваральнік сеткі Улад Луневіч. – Тыя ж блінцы, той жа ўзровень кавы, сідр, піва, Wi-Fi. Мы зразумелі, што ў плане лагістыкі будзе значна прасцей замаўляць адзін і той жа прадукт, толькі з двума кропкамі разгрузкі. Калі жыхары і наведнікі Зыбіцкай, вядома, захочуць, можам увесці блінцы з чорнай ікрой, але ў нас нават са звычайнай не асабліва ідуць».
Кошты ў новай бліннай будуць ідэнтычныя «кастрычніцкім». За блінец з курыцай, імбірам, мятай, мацарэлай і чорным перцам аддасі BYN 4, за кубак амерыкана – BYN 1,8, яблычны сідр 0,7 каштуе BYN 6.
«Канешне, мы разумеем, што на Зыбіцкай зусім іншы фармат. Мы прывыклі да Кастрычніцкай, дзе ўсе свае, дзе трэба іх смачна пакарміць – і ўсё. Тут жа трэба яшчэ асвойвацца, наладжваць сувязі, прыцягваць сваіх людзей. Чаму мы тут вырашылі адкрыцца? Усе гавораць, што ў Менску ёсць дзве артэрыі – Кастрычніцкая і Зыбіцкая. Нам цікава існаваць і там, і там. Тым больш што людзей трэба ўсюды карміць», – працягвае Улад.
З адрозненняў: у новым «ДЭПО» будзе посуд. Бліны будуць падавацца на драўлянай дошцы з відэльцам і нажом, але заўсёды можна будзе ўзяць у традыцыйным кульку з натхняльным надпісам. Наконт шкла ўладальнікі яшчэ думаюць.
Інтэр’ер, як і ў папярэднім «ДЭПО», рабіла нашая арт-дырэктарка Кася Сырамалот aka palasatka:
«ДЭПО» – гэта фаст-фуд з чалавечым абліччам, таму па стылі і ў першым, і ў другім разе стараліся прытрымлівацца мінімалізму. Мінімум дэкору, натуральныя матэрыялы, утульнасць, а галоўнае ўпрыгожанне – самі людзі і атмасфера, якую яны ствараюць.
У «ДЭПО», як бачна на прыкладзе першай установы на Кастрычніцкай, падабралася прыемная пастаянная, але вельмі розная аўдыторыя. Ад студэнтаў і сем’яў з дзеткамі да бізнэсоўцаў і фэшн-дзяўчатак. Таму зноўку стаяла задача, каб максімальна ўтульна было ўсім – і хутка паесці, і выпіць кавы, і папрацаваць у кутку з ноўтам, і накаціць з сябрамі бутэлечку сідру.
Кавярня адкрываецца ўжо заўтра, у пятніцу. «Мы не праводзім адкрыццё з чырвонай дывановай дарожкай і з шарыкамі. Усё проста: паставім дыджэя, паналіваем бясплатна сідру, паклічам сяброў. Без пампезнасці», – падагульняе Улад.
Фота: palasatka
Доўгачаканы саўндтрэк да фільма «Вокруг Беларуси на велосипедах с моторами» ўжо на «Першаку».
Клип, вдохновленный творчеством Нила Геймана и Филлипа К. Дика.
Кураторка маркетов и фуд-кортов – об осознанном выборе одежды, дресс-коде и кухонной технике.
Вельмі коратка – пра тое, для каго і навошта мы цяпер робім англамоўны сайт пра Менск.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.
COMMENTS (4)
Отличная блинная! Однако им стоит не забывать про элементарную гигиену, девушка с длинными волосами постоянно трясет своими пышными косами над блинами...
Ну пачаму б и не аткрыць другое дэпо, кагда у папки дзеньги водзяцца?
Кто-то открывает второе ДЭПО, а кто-то завидует. Всем есть чем заняться в этом городе, это ли не прекрасно :)
Бля, где рыски гайc?