Досвед Грузіі, піяр Бразіліі і неверагодныя перспектывы Беларусі – новы 34 Media Day мы вырашылі прысвяціць маркетынгу тэрыторый, турыстычнаму патэнцыялу роднай старонкі і таму, як можна прасоўваць за мяжой цэлыя краіны. Пачынаем цёркі 5 лістапада а 14:00 у адукацыйнай прасторы .PUNKT (вул. Кастрычніцкая, 23а).
Што такое 34 Media Day?
Афлайн-фармат ад 34mag.net: збіраемся самі і клічам экспертаў, каб у нязмушанай атмасферы вольнай гутаркі абмеркаваць важныя для нас тэмы. Пілотны выпуск 34 Media Day адбыўся ў межах фэсту Vulica Brasil і быў прысвечаны ўзаемадзеянню горада і медыя. Вось тут ты можаш прачытаць караценечкую справаздачу.
А што мы будзем абмяркоўваць 5 лістапада? Гэтым разам гутарым пра «маркетынг краін», то-бок пра тое, як рэкламуюць і прасоўваюць сябе за мяжой цэлыя краіны.
Перад тым як перайсці да вольнай размовы пра родную Беларусь, прапануем табе паслухаць пра досвед Бразіліі і Грузіі.
Жыццесцвярджальным уступам да папулярнай тэмы стане выступленне Мілы Коткі, прадзюсаркі Vulica Brasil, супрацоўніцы бразільскай амбасады ў Менску і «бразільскай беларускі», як яна сама сябе кліча. Краіна, якая знаходзіцца недзе за акіянам, у кароткі тэрмін стала брэндам для менчукоў і гасцей сталіцы. Як? Даведаемся ў Мілы. Таксама высветлім, якія каштоўнасці яднаюць бразільцаў і беларусаў праз тысячы кіламетраў.
Спецыяльны госць 34 Media Day прылятае да нас наўпрост з Тбілісі – супрацоўніца аддзела брэндынгу Адміністрацыі турызму Грузіі, грузінскі local guru на Like a Local Guide Дар’я Халадзіліна. Яна патлумачыць, як Грузія літаральна за некалькі год стала самым удалым і яркім прыкладам турыстычнага маркетынгу, у колькі разоў павялічылася колькасць візіцёраў у краіну і на што Грузія робіць стаўку цяпер.
«А што адбываецца з турызмам у нас?» – лагічнае пытанне, на якое афіцыйная Беларусь і ўсе зацікаўленыя ў тэме імкнуцца адказаць ужо не першы год. Які вобраз краіны мы будуем у вачах замежных турыстаў? Чаму мы дагэтуль не скасавалі візы? Ці патрэбныя нам наогул турысты? Абмяркуем гэтыя пытанні разам з удзельнікамі дыскусіі і гасцямі 34 Media Day. Прыходзь, калі ёсць што сказаць.
Расклад 34 Media Day.
14:00 – 15:30. «Make Brasil great again: Vulica Brasil ды іншыя прыклады».
Спікер: Міла Котка, куратарка фестывалю Vulica Brasil, культурная агентка Бразіліі ў Беларусі.
15:30 – 17:00. «Больш за сонца і віно: як Грузія распавядае пра сябе за мяжой?»
Спікер: Дар’я Халадзіліна, супрацоўніца аддзела брэндынгу Адміністрацыі турызму Грузіі, грузінскі localguru на Like a LocalGuide, трэвел-блогерка.
17:00 – 18:30. Дыскусія: «Як “прадаць” Беларусь: які вобраз краіны мы будуем у вачах замежных турыстаў?»
Удзельнікі:
Артур Клінаў – мастак, пісьменнік, аўтар канцэпцыі «Горад Сонца» і рамана «Малая падарожная кніжка па Горадзе Сонца».
Іра Гардзіенка – кіраўніца аддзела маркетынгу Нацыянальнага агенцтва па турызме Рэспублікі Беларусь.
Наста Ероха – шэф-рэдактарка анлайн-часопіса 34travel.by.
Марта Чарнова – ілюстратарка, сааўтарка праекту Heta Belarus Dzietka!
Падзея на Facebook! Адзначайся.
Блукаем па закутках музея Савіцкага і разгадваем рэбус надвор'я на гэты тыдзень.
Премьера мультикультурного гимна всем фейковым брендам от израильской группы Orgonite. Смотри на своем новеньком iPhonne.
Кто построил Nestanda Records, стыдно ли пользоваться автотюном и какую технику купить для звукорежиссуры – отвечает Антон Акимов.
A story about (or no) cooperation between government representatives, NGOs and ordinary people that care.
A story about (or no) cooperation between government representatives, NGOs and ordinary people that care.
Javid Nabiyev speaks on arrests of gay people in Azerbaijan, explains the «fucking solidarity» term and the point of activism.
Joris Hanse, Dutch activist from the Doorbraak, speaks about the Netherlands not matching the stereotypes.