Мы сабралі 10 кліпаў розных гадоў пра гвалт ва ўсялякіх яго формах. Банды, бітае шкло, рэвалюцыя, кроў, рапіры, бойкі і кішкі – у новым выпуску Відэа-нявідэа.
І вось яшчэ: так ужо выйшла, што адразу тры кліпы з дзесяці зняў Рамэн Гаўрас. Трэба прызнаць, гэты хворы вырадак сапраўды лепшы ў жанры.
alt-J – Breezeblocks
Breezeblocks – гэта хіт з дэбютнага альбома брытанцаў. Проста вачэй не адвесці ад разборкі паміж хлопцам і дзяўчынай у кватэры, якая знята запаволенай здымкай ды яшчэ і паказана на рэверсе, так што сюжэт змяняецца па ходзе кліпа некалькі разоў.
The Shoes – Time to Dance
Джэйк Джыленхол + Дэніэл Вульф + The Shoes = правільныя інгрэдыенты для стварэння шэдэўра. Характэрна, што на «Кинопоиске» ён нават значыцца як кароткаметражны фільм. Бойкая песня французаў здораўска лягла пад маньяцкія прыгоды Джыленхола.
Justice – Stress
Глупствам было б наогул усё пачынаць, не ўключыўшы гэты кліп у падборку. Можна сказаць, дэбют Гаўраса.
M.I.A. – Born Free
Вельмі праўдзівае відэа, поўнае сапраўднага гвалту – жорсткага і бессэнсоўнага. І нават калі ты born free, ад вайны нікуды не падзецца. У пачатку нават папярэджанне, каб уразлівыя не глядзелі відэа. Хто здымаў – здагадайцеся самі.
Mister Heavenly – Bronx Sniper
Тое, што адбываецца ў кліпе, нагадвае сцэны з «Заваднога апельсіна» – касцюмы, тая ж артыстычнасць і падлеткавая цяга да татальнага дэстракшну. Выдатна было б зірнуць на спіс рэквізіту да здымкаў кліпа: жылы дом – адна штука, матацыкл, туша курыцы, бензапіла і лыжы.
Is Tropical – The Greeks
Прафесіяналы індустрыі і не толькі ахнуць, наколькі якасна зроблена анімацыя. Яшчэ б! Справа рук адной круцейшай французскай прадакшн-студыі Megaforce, якая, дарэчы, стварыла яшчэ адзін нашумелы і поўны крывянкі відэакліп Рыяны Bitch Better Have My Money.
Jay-Z & Kanye West – No Church In The Wild (Feat. Frank Ocean & The-Dream)
The Dead Weather – Treat Me Like Your Mother
Аднойчы, сем гадоў таму, лідары The White Stripes і The Kills сышліся, каб зрабіць гэтае ашаламляльнае відэа. Ну і запісаць пару альбомаў. Але нас тут кліпы цікавяць. Можна вечна глядзець, як Джэк Ўайт і Элісан Мосхарт дзіраўляць адно аднаго з агнястрэльнага.
Beyonce – Hold Up
Агрэсіўна сябе стала весці і Беёнсэ, разгульваючы з бітай па горадзе ў свежанькім відэа на трэк з новага альбома.
Run The Jewels – Close Your Eyes
Апошні замес не столькі сур’ёзны, колькі паэтычны. Здымаў AG Rojas. Навеяна, канешне, жорсткімі дзеяннямі паліцыі ў ЗША і пратэстамі, звязанымі з забойствам чорнага хлопца.
Падборка кліпаў, якія здзіўляюць, раздражняюць, смешаць або ад якіх проста зносіць дах.
Навошта пра сэкс казаць, калі можна паказаць? Не хвалюйся, гэта ўсяго толькі падборка sexy відэа, але 16+.
Прэм’ера мультыкультурнага гімна ўсім фэйкавым брэндам ад ізраільскіх хардстайл-фрыкаў Orgonite. Глядзі на сваім новенькім iPhonne.
Топ-10 самых смачных відэакліпаў, што лашчылі нашы вочкі летам 2016-га.
Імправізацыі ў ангарах і метро.
9 трэкаў, аб’яднаныя ў адну гісторыю.
Каго паслухаць, каб захапіцца сённяшняй беларускай музыкай.
«Каму мы патрэбныя, калі не сабе».