Тры дні кароткага метра

Фэст арганізаваны аматарскай суполкай Kinaklub.org, галоўным perpetuum mobile беларускага індзі-кіно. Спадарства падстрахавалася і абрала максімальна шырокую тэму «вечны рухавік». Як патлумачыў адзін з арганізатараў, сама планета Зямля, якая рухаецца ў касмічнай прасторы, можа разглядацца як няспынны рухавік. Таму тэарэтычна сюжэтам стужкі магла быць любая з праблем або радасцяў кагосьці з сямі мільярдаў насельнікаў планеты.

Да ўдзелу ў фэсце прыслалі амаль 200 заявак з 35 краін свету. Лонг-ліст атрымаўся вялікі: 37 стужак конкурснай праграмы, 43 – пазаконкурснай. Фэст ладзіўся практычна на адным шалёным энтузіязме. Тым не менш, атрымалася зрабіць міжнароднае журы  з прадстаўнікоў Беларусі, ЗША, Польшчы і Украіны, якія актыўна працуюць у кінаіндустрыі.

Па выніках сфармуюць зборнік прац-фіналістаў, які будзе паказаны ў праграме фестываляў-партнёраў у Германіі, Іспаніі, Польшчы і ЗША.

Пазнаёміцца з кухняй фэсту можна будзе ў гэтую пятніцу ў «Кальяннай № 1», дзе пройдзе прэзентацыя фестывалю. Абяцаюць магчымасць пагутарыць з арганізатарамі і ўдзельнікамі за кубачкам гарбаты ды паглядзець нямецкі відэа-арт. Самі паказы пройдуць 16–18 студзеня на пляцоўках арт-кінатэтра Rubin Plaza, Нацыянальнага мастацкага музея, Палаца мастацтваў, Музея гісторыі беларускага кіно і сядзібы «Ля мора».

Падрабязнасці:

http://cpm.kinaklub.org/
http://vkontakte.ru/cpmfilmfest