Секс, эротыка

– Людзі часам негатыўна ставяцца да жанру ню з-за таго, што тых, хто можа прылюдна распрануцца, – адзінкі. Натуральна, астатняя большасць павінна неяк апраўдваць свае комплексы. Яны не прызнаюцца, што ім для гэтага, напрыклад, схуднець трэба на 50 кілаграмаў, затое будуць казаць, што гэта непрыстойна і амаральна. Я вось магу сказаць, чаму б не зняўся аголеным. Бо я дрышч! Вось калі б мне ў трэнажорку пахадзіць, прэсуху накачаць – тады іншая рэч.

Бывае, што дзяўчаты з іншых краінаў просяць пафатаграфаваць іх і клічуць да сябе ў госці, часам аплочваючы мне пералёты або пераезды. Мне гэта падабаецца, люблю вандраваць.

Шмат хто мяне называе садзюгам, кажуць, што я мадэляў сваіх не берагу, не шкадую, абкладаю дохлай рыбай, кідаю ў бруд і гэтак далей. Але ніхто не ведае, як здымкі адбываюцца насамрэч. Напрыклад, калі мы здымалі ню ў зімовым лесе, побач стаяла машына з уключанай печкай, дзе была гарбата і мікстура ад прастуды, мадэль заўсёды была ў абутку і цёплай куртцы, якую здымала толькі на паўтары-дзве хвіліны. Яна нават не захварэла!

Гэта ўсё казкі, што фатографы абавязкова спяць са сваімі мадэлямі. Калі б гэта было так, то, можа, я быў бы шчаслівейшы. Тое, што я фатограф, ніяк у гэтым сэнсе не дадае мне балаў, тым больш, што звычайна ў прыгожых дзяўчат ёсць годныя хлопцы, з якімі канкураваць было б досыць цяжка. Але здымкі – гэта проста нагода для знаёмства, як і любыя прафесійныя сувязі, якія пры ўзаемнай сімпатыі могуць перарасці пасля ў сустрэчы за межамі студыі.

«Мне ўжо пагражалі ногі адстрэліць, прычым чалавек, які сядзеў за штосьці падобнае. Але пакуль хаджу нармальна»

Я сам пачынаў з фатаграфавання сваёй дзяўчыны. І калі ў інтэрнэце бачыў пасля, што хлопцы абмяркоўваюць, якая яна прыгожая, мне гэта было ў кайф.

Пашпарт у мадэляў не патрабую, але заўсёды высвятляю ўзрост. Самае цікавае і сумнае, што няпоўнагадовыя чамусьці больш за ўсіх прагнуць здымацца ню. Бывае, угаворваюць: «Ну мне ж ужо праз паўгода 18!» Разумею, кажу, але гэтыя паўгода я магу правесці не дома.

Стараюся цікавіцца асабістым жыццём мадэлі, а то, можа, у яе раўнівы хлопец, які нас абаіх заб’е пасля. Бо мне ўжо пагражалі ногі адстрэліць, прычым чалавек, які сядзеў за штосьці падобнае. Але пакуль хаджу нармальна.

Я зразумеў, што ў Беларусі ёсць некаторыя праблемы з публікацыяй фотаздымкаў ню, калі пасля таго як я трапіў у фінал замежнага конкурсу, шматлікія беларускія выданні напісалі пра мяне, але замест таго здымка, з якім я ўдзельнічаў у конкурсе, апублікавалі фота двухгадовай даўніны або нейкія мае незразумелыя партрэты. Хоць на тым конкурсным здымку не тое што палавога органа, нават грудзей не бачна.

Відаць, проста ёсць нейкая дурная забарона: сіські не друкаваць, нават калі гэта цалкам мастацкае фота, якое ў іншых краінах успрымаецца менавіта так. Тым больш у мяне ў параўнанні з іншымі фатографамі ўсё досыць прыстойна – не знойдзеш, напрыклад, фота з рассунутымі нагамі, я не бачу ў гэтым эстэтычнага хараства.

Кампліментамі можна дабіцца ўвогуле ўсяго! Шмат якія дзяўчаты любяць, каб іх паўгаворвалі, часта я адчуваю, што яна ўжо гатовая распрануцца – а далей чыста справа тэхнікі. Ці, напрыклад, мадэль кажа: «У мяне грудзі непрыгожыя». А я тлумачу, што пры некаторых дзеяннях я магу павялічыць іх на памер. І калі яна чуе, што я магу схаваць усе ейныя мінусы, гэта робіцца сапраўдным транквілізатарам. Так што фактычна любая здымка ў мяне ўсё адно заканчваецца ню. Вядома ж, не з-за таго, што мне хочацца пабачыць голую дзяўчыну, я ўжо бачыў. Проста я імкнуся не адыходзіць ад жанру, у якім працую.

– Пачынала здымаць ню для таго, каб узняць рэйтынг на фотасайце. Я не фатаграфую такую зусім непрыхаваную эротыку, таму нават калі дзяўчына падчас здымкаў цалкам распранутая, у ейным вобразе застаецца нейкая загадка.

Калі я здымаю ню, то заўсёды саромеюся больш, чым мая мадэль. Саромеюся не як фатограф, а як дзяўчына, што часта маладзейшая за сваіх мадэляў. У гэтыя моманты я думаю, што мне, напэўна, было б вельмі няёмка апынуцца ў такой жа сітуацыі без фотаапарата.

«Хачу фатаграфаваць мужчын больш. Хачу паказаць мужчыну ва ўсіх яго мужчынскасці, брутальнасці ды агні»

Не ведаю, ці прысутнічае ў мяне нейкая сексуальная цяга да дзяўчат, якіх я здымаю, хаця трэба падумаць пра гэта! Але калі здымкі фатографа-мужчыны могуць перадаваць эратызм, то на маіх хутчэй можна прачытаць захапленне і пяшчоту ў канцэнтраце.

У маіх мадэляў досыць вялікая ўзроставая разбежка – здымала і 17-гадовую дзяўчыну, і 34-гадовую жанчыну, у якой сыну ўжо 17, але яны пачуваліся аднолькава ўпэўнена. Так што калі мадэль гатовая фатаграфавацца аголенай, то падчас здымак яна дакладна забудзе пра ўсе свае комплексы. А мне ж наадварот падабаецца распрануць дзяўчыну, якая не планавала агаляцца для фотаздымка. Нашмат цікавей пабачыць ненайграную збянтэжанасць і сарамлівасць.

Дарэчы, для таго каб мадэль расслабілася і абстрагавалася ад сітуацыі, я прашу яе заплюшчыць вочы, і ў гэты момант фатаграфую, гэта вельмі дапамагае.

Мне часта паступаюць прапановы не толькі здымаць ню, але і здымацца самой. І я часам згаджаюся. Бывае, у мяне з’яўляюцца ідэі, але не магу знайсці мадэль, тады ажыццяўляю іх сама ў якасці мадэлі.

«Думаю, дзяўчатам лягчэй даверыцца фатографу-жанчыне. Але не ўладнай, палкай, сексуальнай, а такой пяшчотнай і хатняй»

Мне здаецца, што не ўсе жанчыны настолькі самаўпэўненыя і любяць сябе, каб пазіраваць перад мужчынам. Думаю, дзяўчатам лягчэй даверыцца фатографу-жанчыне. Але не ўладнай, палкай, сексуальнай, а такой пяшчотнай і хатняй.

Я здымала і мужчынскае ню, праўда, гэта былі хутчэй фотасесіі майго хлопца, не для чужых вачэй. Але, вядома ж, хачу фатаграфаваць мужчын больш. У мяне ўжо запланаваная адна здымка. Хачу паказаць мужчыну ва ўсіх яго мужчынскасці, брутальнасці ды агні.

Якая здымка была самая запамінальная? Напэўна, праца з вядомай канадскай порназоркай французскага паходжання Евай Лакшурыяй. А яшчэ калі фатаграфавала мадэль-мулатку пасярод Парыжа на даху студыі, дзе я жыла. Яна была аголеная і пры гэтым вельмі натуральная. Раней мне здавалася, што немагчыма дамовіцца з мадэллю, калі ў літаральным сэнсе не размаўляеш з ёй на адной мове. Але тады я пераканалася ў адваротным, дзяўчына даверылася мне, хоць і не разумела, што я кажу.

Калі мы здымаем ню ў публічных месцах і мадэль страшэнна саромеецца, я заўсёды кажу ёй: уяві, што ты бачыш усіх гэтых людзей першы і апошні раз.

– Дзе я знаходжу мадэляў для сваіх праектаў? Можна выпадкова завітаць на пошту і там сустрэць пачуццёвую рудавалосую дзяўчыну... Або ў панядзелак папрасіць свайго менеджара правесці кастынг – і ўжо ў сераду ў мяне будуць неабходныя для здымкі мадэлі.

Кожны мой фотаздымак ню – гэта ілюстрацыя майго сексу з жанчынай. А быў ён насамрэч ці не, зусім не важна. Мастаку проста неабходна быць закаханым у тых, з кім ён працуе, насуперак правілам, якія дыктуе сучаснае жыццё. Я ўпэўнены: калі заканчваецца каханне, заканчваецца і творчасць.

«Нават эрэкцыя не ёсць для мяне пасылам, каб захацець уступіць у інтымныя зносіны з мадэллю»

Я згодны, што кожны фатограф, які здымае ню, першапачаткова эратаман. Але сваё эратычнае жаданне мастак перарастае і паступова знаходзіць у ім і мастацтва, і філасофію. Я таксама перарос гэтае жаданне, як кожны мусіць перарасці сваё.
 
Як і іншыя фотамастакі, я здымаю жанчын у дзьмухаўцах або трэшы, але не імкнуся сфатаграфаваць голую мадэль у небяспечных умовах, толькі каб банальна адчуць адрэналін, як, напрыклад, маладыя палюбоўнікі, якія займаюцца сексам у экстрэмальным месцы. У гэтых незвычайных абставінах я спрабую змірыць агонь і лёд, хаця ўсім вядома, што яны знішчаць адзін аднаго, але прыгожым будзе момант іх сустрэчы. Яго я і хачу захаваць.
 
Мяне не перастаў узбуджаць выгляд голай жанчыны з-за таго, што я бачу іх такімі падчас сваёй творчай працы. Я проста перастаў быць рабом гэтых пачуццяў.

Я люблю здымаць на прыродзе, бо там я адчуваю свабоду, я люблю здымаць у студыі, бо там адчуваю інтымнасць, я люблю фатаграфаваць жанчын, бо я мужчына, я люблю фатаграфаваць, бо я адчуваю. Калі я здымаю аголеную жанчыну, я не стараюся задушыць у сабе мужчыну, наадварот, я да яго прыслухоўваюся. Гэта дадатковы інструмент здымкі, які дапамагае адчуць эротыку. Я не магу дазволіць, каб жанчына на фатаграфіях атрымалася антыэратычна.

Мадэлі заўсёды саромеюцца, і я абсалютна не супраць. Мне гэта нават падабаецца, так яшчэ больш праяўляецца іх пачуццёвасць. Калі я фатаграфую ню ў людных месцах, мінакі робяць так, як сёння робяць усе і паўсюль, – здымаюць на мабільныя тэлефоны.

У мяне вельмі шмат здымак ню. Але шмат ёсць і не ню. Нават быў такі праект са старымі пнямі. Яны вельмі графічныя, фактурныя, зблізку падобныя на горны пейзаж. Жаночае цела не мае нічога агульнага з пнямі, але ўзбуджаць і натхняць мастака можа і адно, і другое.

Пагуляў ты калісьці з дзяўчынай, а праз год у яе з’явіўся муж і пачаў раўнаваць, што яна з табой тады прагулялася… Гэтак жа дзіўна прасіць выдаліць здымкі з-за таго, што цяперашні муж супраць. Таму ў творчых праектах я заўсёды атрымліваю пісьмовы дазвол мадэлі на размяшчэнне фота.

Маё эратычнае жаданне, якое можа абудзіцца падчас працы, цалкам сублімуецца ў творчасць. Дзякуючы гэтай сублімацыі нават эрэкцыя не ёсць для мяне пасылам, каб захацець уступіць у інтымныя зносіны з мадэллю. У момант здымкі, прынамсі.

Спачатку трэба навучыцца кіраваць жанчынамі ў сваім жыцці, і толькі потым атрымаецца гэта рабіць у фотасесіях ню.

– Самыя першыя фотасесіі, дзе я пачаў здымаць аголеных дзяўчат, былі вельмі даўно, у 1997 годзе, калі я яшчэ вучыўся ў каледжы. Зацягнула мяне стараста са сваёй сяброўкай да сябе дадому, і наладзілі там фотасесію ню. Нам было па 17 гадоў. Дый наогул, усё тады было па-іншаму.

Да 2005 года я быў сарамлівы і досыць закрыты, я не мог там, напрыклад, узяць і прапанаваць: «А давай я цябе зніму голую, давай я цябе схаплю за дупу». А потым адбыўся нейкі зрыў, паварот, нейкі стрэл у жыцці, і тады для мяне зрабілася абсалютна нармалёва нешта такое рабіць.

Вось я, напрыклад, бяру нейкі інтэр’ер і туды ўводжу мадэль без анічога. Гэта ідэальная форма. Калі мадэль будзе ў штосьці апранутая, гэта будзе ўжо шкалярства. Не тое, каб я прапагандую: давайце ўсе здымацца голымі – але любое адзенне вельмі адцягвае ўвагу. Ці мне, напрыклад, кажуць: «О, файна, я магу здымацца ў бялізне». Я звычайна пытаю: колькі твая бялізна каштуе, 50 тысяч? Я здымаў дзяўчыну ў бялізне за 400 еўра. Так, гэта было ахраненна. Калі ласка, нясіце клёвую бялізну, карункавую, якая дорага выглядае, тады будзем здымаць.

«Цяпер тая, якой 20 гадоў, не заўсёды ўмее граматна распрануцца»

Праблемы распрануць цяпер ніякай няма, людзі распранаюцца самі. Мне ўжо нецікава працаваць з тымі, каго трэба ўгаворваць. Раней – гадоў пяць таму – мне быў вельмі цікавы павольны такі падыход, больш паэтычны, была нейкая эйфарыя ад самога працэсу распранання. Напэўна, я ўжо вырас з гэтага. Калі я запрашаю чалавека, мне важна, каб ён мог зрабіць усё абсалютна, што я ні пажадаю, каб выканаў любы мой капрыз.

У асноўным я схіляюся да прафесійных мадэляў. Я спачатку вывучаю, якія аўтары здымалі мадэль, што яна ўмее. Сярэдні ўзрост дзяўчат, з якімі я працую – 20 з невялікім гадоў. І трэба сказаць, што цяпер тая, якой 20 гадоў, не заўсёды ўмее граматна распрануцца. Як можа яна прэтэндаваць на здымку эротыкі, калі не ведае, як зняць сукенку або як наогул зняць што-небудзь з сябе перад мужчынам? Аднак сустракаліся дзяўчынкі, для якіх ню-фотасесія была першым досведам здымкі наогул, і яны рабілі гэта без усялякага сораму, і ўсё атрымлівалася.

Мужчын я таксама здымаю аголенымі. Але цяжка знайсці мужчыну, які будзе з чыстым тварам, правільнымі рысамі, каб сачыў за сабой. Такія мужчыны ў Беларусі сустракаюцца амаль выключна сярод геяў. У мяне шмат знаёмых геяў, я іх фатаграфаваў, яны рэальна выглядаюць крута на фатаграфіях. Бамбіць арт з мужчынам – складана, бо складана потым даказаць, што гэта не парнаграфія, а эротыка. Наогул, у законе напісана, што парнаграфія – гэта калі геніталіі здымаюць буйным планам. Але ў мяне былі знаёмыя, якіх шчамілі і не за буйны план.

Я вельмі рэдка на ню-фотасесіях працую з асістэнтам, раней наогул заўсёды працаваў толькі адзін. Кантакт фатографа і мадэлі на такіх фотасесіях падобны да сексуальнага кантакту. Павінна быць асаблівая атмасфера – гэта заўважаюць, дарэчы. Вось нядаўна мне напісалі, што ў мяне «добрыя адносіны з целам». Тыя, хто мне пазіруюць, – яны пазіруюць сексуальна.