Пакой на сцэне

АРТ-ХАЎЗ

Гэты матэрыял з'яўляецца пераходным ад рубрыкі "арт-хаўз" да новай, назву якой мы яшчэ не прыдумалі. Пачынаем раскрываць тэму майстэрняў і ў наступных матэрыялах пакажам вам, як насамрэч выглядаюць майстэрні беларускіх мастакоў.

Маруся працуе у Bo Promo, любіць тэатр і пастаянна бавіць час у старой артыстычнай майстэрні на М.Танка.

Маруся: Тут тусіла мая сяброўка. Яна з'ехала жыць у Маскву, у студыю МХАТ - і  мне вось гэтае месца засталося ў спадчыну.

Я жыла ў звычайнай кватэры спачатку, пасля з'язжала надоўга, пасля вярнулася ў Беларусь. І цяпер вось праводжу большую частку свайго часу ў гэтым месцы.

Плюсы - гэта ўсё знаходзіцца ў цэнтры. Вельмі незвычайная прастора. У гэтым будынку увогуле не адна такая майстэрня. Як і напрыклад на ўсім праспекце.

У маім пакоі тут нібыта імправізаваная сцэна. Часам нават ладзілі з сябрамі спектаклі.

Мінусы - тут няма ніякіх зручнасцей. Калі трэба гатаваць - гатую ў параварцы.

У гэтым пакоі у асноўным усе мае рэчы. Частку праўда ўжо перавезла ў сваю новую здымную кватэру.

З чамаданамі цікавая гісторыя. Я неяк была ў Бенькі і яна вучыла сваю дачку, што трэба ратаваць старыя чамаданы. Яна сама іх знаходзіць і пасля забірае сабе альбо раздае сябрам. Дык вось я неяк знайшла чамаданы і забрала сабе. Не ведаю нават, навошта. У іх кніжкі, напрыклад, добра захоўваць.

Тут ёсць такая цікавая і каштоўная для мяне карціна. Гэта намаляваў Саша Казела. Ён прынёс, павесіў яе і сказаў "забяспечыш сваю старасць". Паставіў аўтограф... Я яе захоўваю. Саша яшчэ драматург. Ён піша пад рознымі псеўданімамі. Ніхто не ведае, што гэта ён. Усе думаюць, што п'есы піша нейкі іншы рэальны чалавек. А Саша яшчэ пяе ў "Серебряной свадьбе".

Крэсла старое.. Вось бачыш, усё сыплецца з яго.