У дзявятай серыі Minsk Music Sessions – пранізлівы рэчытатыў Воўкі Плюмбума, саліста гуртоў NABR і Plum Bum. Шчырая споведзь патанулага ў сацыяльных сувязях чалавека, які раптам усведамляе, што ён свабодны, без заганаў.
Мы працягваем рабіць наш летні праект Minsk Music Sessions, прысвечаны творчаму дыялогу паміж музыкамі і горадам. У кожным выпуску цябе чакаюць неспадзяваныя, але знакавыя лакацыі Менска, у якіх мы лайвам здымаем цікавых, актуальных і славутых музыкаў краіны.
Сёння на парадку дня – дыскусія чалавека з сацыяльнымі ўмовамі, якія нас атачаюць і расступаюцца, як толькі мы разумеем, што папракаць сябе няма за што. Песню «Без изъянов» з альбома NABR «Наша автономная боевая ракета» прадставіў берасцейскі музыка Воўка Плюмбум, лідар гуртоў Plum Bum і NABR. Першапачаткова планавалася лакацыя ля Трактарнага заводу, але там была павышаная канцэнтрацыя АМАПу, таму экспромтам – чыгуначныя пуці пад Радыяльнай.
Глядзі папярэднія часткі Minsk Music Sessions!
P.S. Прапаноўваем табе стаць неад’емнай часткай нашага шоу! Здымі ўласнае музычнае відэа любога фармату на вуліцах сталіцы, апублікуй яго ў Instagram ці Facebook з хэштэгам #minskmusicsessions – самаму крутому аўтару мы бясплатна здымем live-кліп!
Залятаем у эфір з новым выпускам Minsk Music Sessions. Легенды беларускага даўнтэмпа CherryVata граюць лайвам новую песню і збіраюць стыхійны канцэрт у Сцяпянцы на трэніроўцы жаночай каманды па рэгбі.
Другая серыя праекту Minsk Music Sessions. На гэты раз оду Менску чытае беларуская хіп-хоп глыба Murovei.
Пяты выпуск Minsk Music Sessions: у дэкарацыях ціхай Асмалоўкі пасталелы гурт Akute выконвае песню «Калі б я застаўся з табой».
Імправізацыі ў ангарах і метро.
9 трэкаў, аб’яднаныя ў адну гісторыю.
Каго паслухаць, каб захапіцца сённяшняй беларускай музыкай.
«Каму мы патрэбныя, калі не сабе».
КАМЕНТАРЫ (1)
харош!